ഏഷ്യൻ കപ്പിൽ ഒരു എതിരാളികളും എളുപ്പം അല്ല എന്ന് ഇന്ത്യൻ സെന്റർ ബാക്ക് സന്ദേശ് ജിങ്കൻ. “ഏഷ്യൻ കപ്പിൽ ഒരു ഗ്രൂപ്പും എളുപ്പമല്ല. തീർച്ചയായും, ഞങ്ങൾക്ക് ഓസ്‌ട്രേലിയ ലഭിച്ചു, അവർക്ക് ആമുഖം ആവശ്യമില്ല. എന്നാൽ, കഴിഞ്ഞ കുറച്ച് വർഷങ്ങളായി നമ്മൾ പഠിച്ചത്, ഒരു എതിരാളികളെയും നമ്മൾ ഒരിക്കലും ഭയക്കേണ്ടതില്ല എന്നതാണ്,” aiff.com-ന് നൽകിയ അഭിമുഖത്തിൽ അദ്ദേഹം പറഞ്ഞു.
“നിങ്ങൾ ചെയ്യുന്ന ജോലിയിൽ വിശ്വസിക്കുക, നിങ്ങളുടെ ഗ്രൂപ്പിൽ വിശ്വസിക്കുക, സ്കൈ മാത്രമാണ് ഈ ടീമിന്റെ ലിമിറ്റ്. നാം വിനയാന്വിതരായി നിലകൊള്ളണം, മെച്ചപ്പെടണം, പ്രത്യാശയോടെ പൊരുതണം” ജിംഗൻ പറഞ്ഞു.
“ഞങ്ങൾക്ക് മികച്ച പിന്തുണ ലഭിക്കുന്നു, ഞങ്ങൾക്ക് ഒരു മികച്ച വർഷമായിരുന്നു കഴിഞ്ഞത്, ഇത് ഞങ്ങൾ എത്ര വേഗത്തിൽ മെച്ചപ്പെടുന്നുവെന്ന് കാണിക്കുന്നു. ”ജിംഗൻ പറഞ്ഞു.
