റോയൽ ചലഞ്ചേഴ്സ് ബാംഗ്ലൂരും സൺറൈസേഴ്സ് ഹൈദരാബാദും ഒരു സ്വാപ്പ് കരാർ സ്ഥിരീകരിച്ചു. ഓൾറൗണ്ടർ ഷഹബാസ് അഹമ്മദ് സൺറൈസേഴ്സ് ഹൈദരാബാദിലേക്ക് മാറി പകരം ഓൾറൗണ്ടറായ മായങ്ക് ദാഗർ ആർസിബിക്ക് വേണ്ടി കളിക്കും.
ഐപിഎൽ 2023ൽ റോയൽ ചലഞ്ചേഴ്സ് ബാംഗ്ലൂരിനായി തിളങ്ങാൻ ഷഹബാസ് അഹമ്മദിന് കഴിഞ്ഞിരുന്നില്ല. 10 മത്സരങ്ങൾ കളിച്ചെങ്കിലും 42 റൺസ് മാത്രമാണ് അദ്ദേഹം നേടിയത്, ആകെ ഒരു വിക്കറ്റും വീഴ്ത്തി. ഷഹബാസ് ഇതുവരെ 39 ഐപിഎൽ മത്സരങ്ങൾ കളിച്ചിട്ടുണ്ട്, 14 ഐപിഎൽ വിക്കറ്റുകളും സ്വന്തമാക്കിയിട്ടുണ്ട്. 2020 മുതൽ അദ്ദേഹം ആർസിബിക്ക് ഒപ്പം ഉണ്ട്.
മായങ്ക് ദാഗർ വലംകൈയ്യൻ ഓൾറൗണ്ടർ ആണ്. മുമ്പ് കിംഗ്സ് ഇലവൻ പഞ്ചാബിന്റെ ഭാഗമായിരുന്നു. 2023 ഐപിഎൽ സീസണിൽ വെറും 3 മത്സരങ്ങൾ കളിച്ച് ഒരു വിക്കറ്റ് വീഴ്ത്തി.
