ഇന്റർ മയാമിയെ പരാജയത്തിൽ നിന്ന് രക്ഷിച്ച് ലയണൽ മെസ്സിയും സുവാരസും. ഇന്ന് കോൺകകാഫ് ചാമ്പ്യൻസ് കപ്പിന്റെ ആദ്യ പാദത്തിൽ നാഷ്വിലെയെ നേരിട്ട ഇന്റർ മയാമി 2-2 എന്ന സമനിലയാണ് വഴങ്ങിയത്. 2-0ന് പിറകിൽ ആയിരുന്നു ഇന്റർ മയാമി മികച്ച തിരിച്ചുവരവാണ് നടത്തിയത്.
നാലാം മിനുട്ടിലും 46ആം മിനുട്ടിലും ഷെഫൽബർഗ് നേടിയ ഗോളുകൾക്ക് നാഷ്വിലെ 2 ഗോളിന് മുന്നിൽ എത്തിയതായിരുന്നു. എന്നാൽ പരാജയം സമ്മതിക്കാൻ മെസ്സിയും സംഘവും തയ്യറായിരുന്നില്ല. 52ആം മിനുട്ടിൽ ലയണൽ മെസ്സിയിലൂടെ മയാമി തിരിച്ചടിച്ചു. സ്കോർ 2-1.
അവസാനം കളിയുടെ ഇഞ്ച്വറി ടൈമിൽ ആറാം മിനുട്ടിൽ സുവാരസിലൂടെ ഇന്റർ മയാമി സമനിലയും കണ്ടെത്തി. ഇനി മാർച്ച് 14ന് മയാമിയിൽ വെച്ച് രണ്ടാം പാദ മത്സരം നടക്കും.
