ഇന്ത്യൻ ഫുട്ബോൾ ആരാധകർക്ക് ആവേശവാർത്ത: ന്യൂസിലാൻഡിനെതിരായ സൗഹൃദ മത്സരങ്ങൾ ഫിഫ പ്ലസിൽ തത്സമയം

ഇന്ത്യൻ ദേശീയ ഫുട്ബോൾ ടീമും ന്യൂസിലാൻഡും തമ്മിൽ നടക്കാനിരിക്കുന്ന അന്താരാഷ്ട്ര സൗഹൃദ മത്സരങ്ങൾ ഫിഫ പ്ലസിൽ (FIFA+) തത്സമയം സംപ്രേക്ഷണം ചെയ്യും.

നവംബറിൽ നടക്കുന്ന രണ്ട് സൗഹൃദ മത്സരങ്ങളും ഫിഫ പ്ലസ് ഡിജിറ്റൽ പ്ലാറ്റ്‌ഫോം വഴി ആരാധകർക്ക് നേരിട്ട് തത്സമയം കാണാൻ സാധിക്കും.ഇന്ത്യയും ന്യൂസിലാൻഡും തമ്മിലുള്ള ആദ്യ മത്സരം നവംബർ 12-നും രണ്ടാം മത്സരം നവംബർ 15-നുമാണ് നടക്കുക. വിദേശത്ത് നടക്കുന്ന മത്സരങ്ങളായതിനാൽ ഇന്ത്യൻ ആരാധകർക്ക് തത്സമയം കാണാൻ സാധിക്കുമോ എന്ന കാര്യത്തിൽ ആശങ്ക നിലനിന്നിരുന്നെങ്കിലും, ഫിഫ പ്ലസ് വഴി തത്സമയ സംപ്രേക്ഷണം ലഭ്യമാകുന്നതോടെ അതിന് പരിഹാരമായി.

ഏഷ്യൻ പോരാട്ടങ്ങൾക്ക് മുന്നോടിയായി ശക്തരായ എതിരാളികൾക്കെതിരെ കളിക്കുന്നത് ഇന്ത്യൻ ടീമിന്റെ ആത്മവിശ്വാസം ഉയർത്തും. വിദേശ മണ്ണിലെ ഈ നിർണായക മത്സരത്തിൽ മികച്ച പ്രകടനം പുറത്തെടുക്കാമെന്ന പ്രതീക്ഷയിലാണ് ഇന്ത്യൻ നിരയും പരിശീലക സംഘവും.