ഗ്രാനിറ്റ് ഷാക്ക പ്രീമിയർ ലീഗിൽ തിരികെയെത്തും, സണ്ടർലാൻഡുമായി ധാരണയിലെത്തി

പുതുതായി പ്രീമിയർ ലീഗിലേക്ക് സ്ഥാനക്കയറ്റം ലഭിച്ച സണ്ടർലാൻഡ് ഗ്രാനിറ്റ് ഷാക്കയെ ബയേൺ ലെവർകൂസനിൽ നിന്ന് സ്വന്തമാക്കി. 32 വയസ്സുകാരനായ ഈ സ്വിസ് താരം സണ്ടർലാൻഡുമായി നേരത്തെ തന്നെ വ്യക്തിഗത നിബന്ധനകളിൽ ധാരണയിലെത്തിയിരുന്നു. എന്നാൽ ലെവർകൂസൻ താരത്തെ വിൽൽക്കാൻ ആദ്യം ഒരുക്കമായിരുന്നില്ല.

ആഴ്സണലിൽ ദീർഘകാലം കളിച്ച ശേഷം 2023-ൽ ലെവർകൂസനിൽ ചേർന്ന ഷാക്ക, ബുണ്ടസ് ലിഗ ക്ലബ്ബിന്റെ നിർണായക താരമായിരുന്നു. രണ്ട് സീസണുകളിലായി 99 മത്സരങ്ങൾ കളിച്ച അദ്ദേഹം, 2023-24 സീസണിൽ ലെവർകൂസന് അവരുടെ ആദ്യ ബുണ്ടസ് ലിഗ കിരീടം നേടാൻ സഹായിച്ചു.

പ്ലേ-ഓഫ് ഫൈനലിൽ വിജയിച്ച് പ്രീമിയർ ലീഗിലേക്ക് തിരിച്ചെത്തിയ സണ്ടർലാൻഡ് ട്രാൻസ്ഫർ മാർക്കറ്റിൽ സജീവമാണ്. അവർ ഇതിനോടകം മധ്യനിര താരം ഹബീബ് ദിയാര, വിംഗർമാരായ സൈമൺ അഡിൻഗ്ര, ചെംസ്ഡിൻ താൽബി, ഫുൾബാക്ക് റെയിനിൽഡോ, കൂടാതെ വിവിധ പൊസിഷനുകളിൽ കളിക്കാൻ കഴിവുള്ള നോഹ സാദികി എന്നിവരെ ടീമിലെത്തിച്ചിട്ടുണ്ട്.