മുൻ ബ്ലാസ്റ്റേഴ്സ് താരം പെൻ ഓർജി മോഹൻ ബഗാനിലേക്ക്

മുൻ കേരള ബ്ലാസ്റ്റേഴ്സ് താരവും നൈജീരിയൻ ഫുട്ബോളറുമായ പെൻ ഓർജി മോഹൻ ബഗാനിലേക്ക് എത്തുന്നു. പരിക്കേറ്റ് ടീം വിട്ട സോണി നോർദയ്ക്ക് പകരക്കാരനാവാനാണ് ഓർജി വരുന്നത്. ഐ ലീഗിലും ഐ എസ് എല്ലിലും മികച്ച ഫോർവേഡായി ശ്രദ്ധ നേടിയ താരമാണ് പെൻ.

2014 സീസണിൽ കേരള ബ്ലാസ്റ്റേഴ്സിന് വേണ്ടി ബൂട്ട് കെട്ടിയിരുന്നു. കേരളം റണ്ണേഴ്സ് അപ്പായ ആ ടൂർണമെന്റിൽ 13 മത്സരങ്ങളിൽ കേരളത്തിനായി പെൻ ഇറങ്ങിയിട്ടുണ്ട്. ഈസ്റ്റ് ബംഗാൾ, മുഹമ്മദൻ സ്പോർടിംഗ്, ജെ സി ടി, ഷില്ലോങ്ങ് ലജോങ് എന്നീ ക്ലബുകൾക്കും പെൻ മുമ്പ് കളിച്ചിട്ടുണ്ട്.

കൂടുതൽ കായിക വാർത്തകൾക്ക് : www.facebook.com/FanportOfficial