ഇറ്റലിയ ചെന്ന് എ സി മിലാനെ സമൻലയിൽ തളച്ച് ന്യൂകാസിൽ യുണൈറ്റഡ്. ഇന്ന് ചാമ്പ്യൻസ് ലീഗ് ഗ്രൂപ്പ് ഘട്ടത്തിലെ ആദ്യ മത്സരത്തിൽ ഗോൾ രഹിത സമനിലയിൽ ആണ് ന്യൂകാസിൽ യുണൈറ്റഡ് എ സി മിലാനെ തളച്ചത്.
സാൻസിരോയിൽ ഇന്ന് എ സി മിലാന്റെ ആധിപത്യം ആണ് കണ്ടത് എങ്കിലും ന്യൂകാസിലിന്റെ ഡിഫൻസ് ഭേദിക്കാൻ അവർക്ക് ആയില്ല. നിരവധി അവസരങ്ങൾ മിലാൻ സൃഷ്ടിച്ചു എങ്കിലും മികച്ച ബ്ലോക്കുകളും നിക് പോപിന്റെ നല്ല സേവും കളി ഗോൾ രഹിതമായി നിർത്തി. റാഫേൽ ലിയാവോ ആയിരുന്നു ന്യൂകാസിൽ ഡിഫൻസിന് ഏറെ പ്രശ്നങ്ങൾ ഉണ്ടാക്കിയത് പക്ഷെ ലിയാവോക്കും ഗോൾ വല കുലുക്കാൻ ആയില്ല.
മിലാൻ ഗ്രൗണ്ടിൽ തിരികെയെത്തിയ ടൊണാലി ന്യൂകാസിലിന്റെ മധ്യനിരയിൽ ഇന്ന് നല്ല പ്രകടനം കാഴ്ചവെച്ചു. ഡിഫൻസിൽ ഊന്നി കളിച്ചതു കൊണ്ട് തന്നെ ന്യൂകാസിലിന് ടാർഗറ്റിലേക്ക് ഒരു ഷോട്ട് തൊടുക്കാൻ അവസാന നിമിഷം വരെ കാത്തു നിൽക്കേണ്ടി വന്നു.
