ജർമ്മൻ താരം മാർക്കോ റിയുസിന് ഏറ്റ പരിക്ക് സാരമുള്ളതല്ല എന്ന് ഡോർട്മുണ്ട് സ്പോർടിങ് ഡയറക്ടർ സെബാസ്റ്റ്യൻ കേൽ. റിയുസ് ലോകപ്പിനു മുമ്പ് തിരികെയെത്തും എന്ന് അദ്ദേഹം പറഞ്ഞു. ആങ്കിൾ ലിഗമന്റിനാണ് പരിക്ക്. ഒരു മാസം കൊണ്ട് താരം തിരികെയെത്തും എന്ന് അദ്ദേഹം ഉറപ്പു പറഞ്ഞു.
വലിയ ടൂർണമെന്റുകൾ പരിക്ക് കാരണം നഷ്ടമാകുന്ന പതിവുള്ള റിയുസിന് കഴിഞ്ഞ ദിവസം പരിക്കേറ്റപ്പോൾ ആരാധകർ ആശങ്കയിൽ ആയിരുന്നു. ഇനി ലോകകപ്പിന് വെറും രണ്ട് മാസം മത്രമെ ഉള്ളൂ. മാർക്കോ റിയുസിന് 2014ലെ ലോകകപ്പും 2016ലും 2021ലെയും യൂറോ കപ്പും പരിക്ക് കാരണം നഷ്ടമായിരുന്നു.
ഈ സീസൺ മികച്ച രീതിയിൽ തുടങ്ങാൻ റിയുസിനായിരുന്നു. ഗോളും അസിസ്റ്റുമായി 7 ഗോൾ കോണ്ട്രിബ്യൂഷൻ റിയുസ് ഇതിനകം ഡോർട്മുണ്ടിനായി നൽകിയിട്ടുണ്ടായിരുന്നു. ജർമ്മനിക്കായി 46 മത്സരങ്ങൾ കളിച്ചിട്ടുള്ള താരമാണ് റിയുസ്.
