സെനഗലിന് ഇരുട്ടടി! സാദിയോ മാനെക്ക് ലോകകപ്പ് നഷ്ടമായേക്കും എന്നു റിപ്പോർട്ടുകൾ

ഖത്തർ ലോകകപ്പ് കളിക്കാൻ എത്തുന്ന ആഫ്രിക്കൻ ചാമ്പ്യന്മാരായ സെനഗലിന് ഇരുട്ടടിയായി സാദിയോ മാനെയുടെ പരിക്ക്. ഇന്നലെ ബയേണിന്റെ ബ്രമനു എതിരായ മത്സരത്തിന് ഇടയിൽ പരിക്കേറ്റ മാനെയെ ഇരുപതാം മിനിറ്റിൽ അവർ പിൻ വലിക്കുക ആയിരുന്നു.

30 കാരനായ താരത്തിന് ഈ പരിക്ക് കാരണം ലോകകപ്പ് നഷ്ടമാവും എന്നു ജർമ്മൻ, സെനഗൽ പത്രങ്ങൾ ആണ് റിപ്പോർട്ട് ചെയ്തത്. ഈ മാസം 21 നു ലോകകപ്പിലെ ആദ്യ മത്സരത്തിൽ ഹോളണ്ടിനെ നേരിടുന്ന സെനഗലിന് തങ്ങളുടെ എല്ലാം എല്ലാമായ മാനെയുടെ അഭാവം വലിയ തിരിച്ചടിയാണ് നൽകുക. ഇന്നലെ ആയിരുന്നു സെനഗൽ ലോകകപ്പ് ടീം പ്രഖ്യാപിച്ചത്.