ലോകത്തിലെ തന്നെ ഏറ്റവും മികച്ച ക്രിക്കറ്റ് കളിക്കാരില്‍ ഒരാള്‍ ആണ് സൂര്യകുമാര്‍ യാദവ് എന്ന് പറഞ്ഞ് മുന്‍ ഇന്ത്യന്‍ കോച്ച് രവി ശാസ്ത്രി. തന്റെ ഏറ്റവും മികച്ച ഫോമിൽ കളിക്കുന്ന എബി ഡി വില്ലിയേഴ്സിന് സമമാണ് ഇന്ത്യന്‍ താരം എന്നും രവി ശാസ്ത്രി കൂട്ടിചേര്‍ത്തു.
എബി ഡി വില്ലിയേഴ്സ് തന്റെ സ്പെഷ്യൽ ഇന്നിംഗ്സ് കളിക്കുമ്പോള്‍ എതിരാളികള്‍ നിഷ്പ്രഭമാകുന്നതിന് സമാനമായ കാര്യമാണ് സൂര്യകുമാര്‍ യാദവ് ഫോമിൽ ആയാൽ സംഭവിക്കുന്നതെന്നും രവി ശാസ്ത്രി പറഞ്ഞു.
അടുത്തിടെയായി മികച്ച ഫോമിൽ കളിക്കുന്ന സ്കൈ ഇന്നലെ ന്യൂസിലാണ്ടിനെതിരെ മഴ കാരണം ഉപേക്ഷിച്ച മത്സരത്തിൽ 25 പന്തിൽ നിന്ന് 34 റൺസാണ് നേടിയത്. 2022ൽ മാത്രം സൂര്യകുമാര്‍ യാദവ് ടി20 അന്താരാഷ്ട്ര മത്സരത്തിൽ നിന്ന് ആയിരം റൺസ് തികച്ചിരുന്നു.
