ഷാന്‍ മസൂദിന്റെ പ്രതിരോധത്തെ ഭേദിച്ച് പാക്കിസ്ഥാന്‍ ഇന്നിംഗ്സിന് അവസാനം കുറിച്ച് ബ്രോഡ്

ചായയ്ക്ക് പിരിയുമ്പോള്‍ ഉള്ള സ്കോറായ 312/8 എന്ന നിലയില്‍ നിന്ന് മത്സരം പുരോഗമിച്ച് ഏറെ കഴിയുന്നതിന് മുമ്പ് പാക്കിസ്ഥാനെ എറിഞ്ഞിട്ട് സ്റ്റുവര്‍ട് ബ്രോഡ്. പാക്കിസ്ഥാന്റെ നങ്കൂരമായിരുന്ന ഓപ്പണര്‍ ഷാന്‍ മസൂദിനെയും അവസാന വിക്കറ്റായി നസീം ഷായുടെ വിക്കറ്റും ബ്രോഡ് ആണ് വീഴ്ത്തിയത്. 9 റണ്‍സുമായി ഷഹീന്‍ അഫ്രീദി പുറത്താകാതെ നിന്നു. 326 റണ്‍സാണ് പാക്കിസ്ഥാന്‍ നേടിയത്.

ഷാന്‍ മസൂദ് 156 റണ്‍സ് നേടി ബ്രോഡിന്റെ പന്തില്‍ വിക്കറ്റിന് മുന്നില്‍ കുടുങ്ങിയാണ് പുറത്തായത്. ഇംഗ്ലണ്ടിന് വേണ്ടി ബ്രോഡും ആര്‍ച്ചറും മൂന്ന് വീതം വിക്കറ്റ് നേടിയപ്പോള്‍ ക്രിസ് വോക്സിന് രണ്ട് വിക്കറ്റ് ലഭിച്ചു.