ഐസിസി ഏകദിന റാങ്കിംഗില്‍ ഒന്നാം സ്ഥാനത്തെത്തി സ്മൃതി മന്ഥാന

ന്യൂസിലാണ്ടിനെതിരെയുള്ള ഏകദിനങ്ങളിലെ തകര്‍പ്പന്‍ പ്രകടനത്തിന്റെ ബലത്തില്‍ ഐസിസി ഏകദിന റാങ്കിംഗിന്റെ തലപ്പത്തെത്തി ഇന്ത്യയുടെ സ്മൃതി മന്ഥാന. 105, 90*, 1 എന്നിങ്ങനെയുള്ള താരത്തിന്റെ സ്കോറുകളാണ് റാങ്കിംഗില്‍ മുന്നിലെത്തുവാന്‍ സഹായിച്ചത്. പരമ്പര 2-1നു ഇന്ത്യ സ്വന്തമാക്കിയപ്പോള്‍ സ്മൃതിയായിരുന്നു പരമ്പരയില്‍ ഏറ്റവും അധികം റണ്‍സ് കണ്ടെത്തിയ താരം.

ഓസ്ട്രേലിയയുടെ എല്‍സെ പെറി, മെഗ് ലാന്നിംഗ് എന്നിവരാണ് റാങ്കിംഗില്‍ രണ്ടും മൂന്നും സ്ഥാനത്ത്. അതേ സമയം ഇന്ത്യയുടെ മിത്താലി രാജ് ഒരു സ്ഥാനം പുറകോട്ട് പോയി അഞ്ചാം സ്ഥാനത്തായി. 10 സ്ഥാനങ്ങള്‍ മെച്ചപ്പെടുത്തിയ ന്യൂസിലാണ്ടിന്റെ ആമി സാറ്റെര്‍ത്‍വൈറ്റ് ആണ് റാങ്കിംഗില്‍ നാലാമതെത്തിയത്.

Previous articleഇ കെ നായനാർ ഫുട്ബോൾ ഫൈനലിൽ ഫിഫാ മഞ്ചേരി ഇന്ന് സ്കൈ ബ്ലൂ എടപ്പാളിനെതിരെ
Next articleഇറാനിയൻ മെസ്സി അസ്മൗൺ ഇനി സെനിറ്റിൽ