ഇന്ത്യ അടുത്ത് തന്നെ ഒരു ലോകകപ്പ് നേടും എന്ന് മുൻ ഇന്ത്യൻ പരിശീലകൻ രവി ശാസ്ത്രി. അടുത്ത വർഷത്തെ ടി20 ലോകകപ്പ ഇന്ത്യ വലിയ ഫേവറിറ്റ്സ് ആണെന്നും രവി ശാസ്ത്രി പറഞ്ഞു. ലോകകപ്പ് നേടുന്നത് എളുപ്പമല്ലെന്നും അടുത്തിടെ സമാപിച്ച ഏകദിന ലോകകപ്പിൽ ടൂർണമെന്റിലുടനീളം മികച്ച പ്രകടനം പുറത്തെടുത്തിട്ടും നിർണായക ദിനത്തിൽ ഇന്ത്യ പരാജയപ്പെട്ടെന്നും രവി ശാസ്ത്രി പറഞ്ഞു.
“ഒന്നും എളുപ്പമല്ല — മഹാനായ മനുഷ്യൻ സച്ചിൻ ടെണ്ടുൽക്കറിന് പോലും ആറ് ലോകകപ്പുകൾ വേണ്ടി വന്നു ഒരു കിരീടത്തിൽ എത്താ‌ൻ. നിങ്ങൾ ലോകകപ്പ് എളുപ്പത്തിൽ) വിജയിക്കില്ല, ഒരു ലോകകപ്പ് നേടുന്നതിന് നിങ്ങൾ നിർണായക ദിനത്തിൽ മികച്ചു നിക്കേണ്ടതുണ്ട്.” രവി ശാസ്ത്രി പറഞ്ഞു.
“ഫൈനലിലെ പരാജയ. ഹൃദയഭേദകമായിരുന്നു, പക്ഷേ ഞങ്ങൾ പലതും പഠിക്കും, കളി മുന്നോട്ട് പോകും, ഇന്ത്യ വളരെ വേഗം ഒരു ലോകകപ്പ് നേടുന്നത് ഞാൻ കാണുന്നു,” ശാസ്ത്രി പറഞ്ഞു.
“ഇത് ഒരു 50-ഓവർ ക്രിക്കറ്റിൽ ആയിരിക്കില്ല, കാരണം നിങ്ങൾക്ക് ടീമിനെ പുനർനിർമ്മിക്കേണ്ടതുണ്ട്, എന്നാൽ 20-ഓവർ ക്രിക്കറ്റ്, അവിടെ ഇന്ത്യമ്മ് വലിയ സാധ്യതയുണ്ട്. ഇന്ത്യയുടെ ശ്രദ്ധ അതിൽ ആയിരിക്കണം,” രവി ശാസ്ത്രി പറഞ്ഞു.
