ഏഷ്യൻ റെക്കോർഡോടെ സ്വർണ്ണം നേടി ഇന്ത്യയുടെ രമൻ ശർമ്മ

ഇന്ത്യ ഏഷ്യൻ പാരാ ഗെയിംസിൽ ഇന്ന് സ്വർണ്ണം വാരി കൂട്ടുകയാണ്. അത്ലറ്റിക്സിൽ രാമൻ ശർമ്മ മിന്നുന്ന സ്വർണ്ണവുമായി ഇന്ന് തിളങ്ങി. ഒപ്പം ഏഷ്യൻ റെക്കോർഡ് സൃഷ്ടിക്കുകയും ചെയ്തു. പുരുഷൻമാരുടെ 1500 മീറ്റർ T-38 ഇനത്തിൽ ആണ് രാമൻ സ്വർണ്ണം നേടിയത്. 4:20.80 എന്ന മികച്ച സമയത്തിൽ ഫിനിഷ് ചെയ്യാൻ അദ്ദേഹത്തിനായി.

ഇന്ത്യ ഇതുവരെ 24 സ്വർണ്ണവും 27 വെള്ളിയും 43 വെങ്കലവും അടക്കം 94 മെഡൽ നേടി. ഇന്ത്യയുടെ എക്കാലത്തെയും മികച്ച മെഡൽ നേട്ടമാണ് ഇത്.