ഡൂറണ്ട് കപ്പ്; എ ടി കെ മോഹൻ ബഗാനെ അട്ടിമറിച്ച് രാജസ്ഥാൻ യുണൈറ്റഡ് | Exclusive

Newsroom

20220820 200201
Download the Fanport app now!
Appstore Badge
Google Play Badge 1

ഡൂറണ്ട് കപ്പ്; ഗ്രൂപ്പ് ബിയിൽ ഇന്ന് നടന്ന മത്സരത്തിൽ എ ടി കെ മോഹൻ ബഗാനും രാജസ്ഥാൻ യുണൈറ്റഡും ഏറ്റുമുട്ടിയപ്പോൾ കണ്ടത് ഒരു സൂപ്പർ പോരാട്ടം ആയിരുന്നു. ഐ എസ് എല്ലിൽ വമ്പന്മാരായ മോഹൻ ബഗാനെ വിറപ്പിക്കാൻ ഐ ലീഗ് ക്ലബായ രാജസ്ഥാൻ യുണൈറ്റഡിന് ഇന്നായി. രണ്ട് തവണ പിറകിൽ പോയിട്ടും തിരിച്ചടിച്ച് 3-2ന്റെ വിജയം സ്വന്തമാക്കാൻ രാജസ്ഥാൻ യുണൈറ്റഡിനായി.

ഇന്ന് ആദ്യ പകുതിയിൽ 43ആം മിനുട്ടിൽ കിയാൻ നസീരിയുടെ സ്ട്രൈക്കിൽ മോഹൻ ബഗാൻ ആണ് ലീഡ് എടുത്തത്. ഈ ഗോളിന് മിനുട്ടുകൾക്ക് അകം രാജസ്ഥാൻ മറുപടി നൽകി. അമംഗ്ദെവിന്റെ ഗോളിൽ രാജസ്ഥാൻ ആദ്യ പകുതി 1-1 എന്ന നിലയിൽ അവസനിപ്പിച്ചു.

ഡൂറണ്ട് കപ്പ്

രണ്ടാം പകുതി മോഹൻ ബഗാൻ ഗോളുമായി തുടങ്ങി. 46ആം മിനുട്ടിൽ മലയാളി താരം ആശിഖ് കുരുണിയൻ ആണ് മോഹൻ ബഗാന് 2-1ന്റെ ലീഡ് നൽകിയത്. ഈ ഗോളും രാജസ്ഥാൻ പെട്ടെന്ന് മടക്കി. 61ആം മിനുട്ടിൽ രെംസെങയുടെ ഗോൾ സ്കോർ 2-2 എന്നാക്കി.

പിന്നെ രണ്ടു ടീമുകളും വിജയത്തിനായുള്ള ശ്രമം ആയി. മോഹൻ ബഗാൻ നിരവധി അവസരങ്ങൾ സൃഷ്ടിച്ചു എങ്കിലും ഗോൾ പിറന്നില്ല. അവസാനം ഇഞ്ച്വറി ടൈമിന്റെ നാലാം മിനുട്ടിൽ ഒരു കൗണ്ടറിൽ രാജസ്ഥാൻ യുണൈറ്റഡ് വിജയ ഗോൾ കണ്ടെത്തി. നികും ആണ് വിജയ ഗോൾ നേടിയത്.