റൈഫി വിന്‍സെന്റ് ഗോമസ് തമിഴ്നാട് പ്രീമിയര്‍ ലീഗില്‍ കളിച്ചേക്കും

Sports Correspondent

Download the Fanport app now!
Appstore Badge
Google Play Badge 1

തമിഴ്നാട് പ്രീമിയര്‍ ലീഗ് മൂന്നാം പതിപ്പില്‍ ഓരോ ഫ്രാഞ്ചൈസിയിലും രണ്ട് അന്യ സംസ്ഥാന താരങ്ങളെ ഉള്‍പ്പെടുത്തിയേക്കാമെന്ന് അറിയിച്ച് തമിഴ്നാട് ക്രിക്കറ്റ് അസോസ്സിയേഷന്‍. മലയാളി താരം റൈഫി വിന്‍സെന്റ് ഗോമസ് ഇത്തരത്തില്‍ കളിക്കുമെന്നാണ് ഇപ്പോള്‍ ലഭിക്കുന്ന വാര്‍ത്ത. ഹനുമ വിഹാരി, ഷെല്‍ഡണ്‍ ജാക്സണ്‍, ഉന്മുക്ത് ചന്ദ്, ധര്‍മ്മേന്ദ്ര ജഡേജ എന്നിവരും ടൂര്‍ണ്ണമെന്റില്‍ പങ്കെടുത്തേക്കുമെന്നാണ് ആദ്യം ലഭിയ്ക്കുന്ന സൂചന.

ഇത്തരത്തില്‍ മറ്റു സംസ്ഥാനങ്ങളില്‍ നിന്നുള്ള താരങ്ങളെ പങ്കെടുപ്പിക്കുന്നത് തമിഴ്നാട്ടിലെ താരങ്ങളുടെ കഴിവുകളെ മെച്ചപ്പെടുത്തുവാന്‍ സഹായിക്കുമെന്നാണ് ബോര്‍ഡ് അംഗങ്ങള്‍ പ്രതീക്ഷിക്കുന്നത്. പങ്കെടുക്കുന്ന താരങ്ങള്‍ ഐപിഎല്‍ 2018ല്‍ പങ്കെടുത്തവരായിരിക്കരുത് എന്നതാണ് തമിഴ്നാട് ക്രിക്കറ്റ് അസോസ്സിയേഷന്റെ നിബന്ധന.

അതാത് സംസ്ഥാന അസോസ്സിയേഷനുകളില്‍ നിന്ന് താരങ്ങള്‍ അനുമതി പത്രം വാങ്ങേണ്ടതായുമുണ്ട്. ടീമില്‍ മാത്രമല്ല അവസാന ഇലവനിലും രണ്ട് താരങ്ങളെ ഇപ്രകാരം ഉള്‍പ്പെടുത്താന്‍ ഫ്രാഞ്ചൈസികള്‍ക്ക് അനുമതിയുണ്ടാകുമെന്നാണ് അറിയുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial