മൂന്നാം മത്സരത്തിലും രാഹുൽ രാജു ഹീറോ, ബെംഗളൂരു എഫ് സിക്ക് മൂന്നാം വിജയവും

Newsroom

Download the Fanport app now!
Appstore Badge
Google Play Badge 1

ഐ എസ് എൽ ഡെവലപ്മെന്റ് ലീഗിൽ ബെംഗളൂരു എഫ് സി റിസേർവ്സിന് മൂന്നാം വിജയം. ഇന്ന് ഹൈദരാബാദ് എഫ് സിയെ നേരിട്ട ബെംഗളൂരു എഫ് സി ഒന്നിനെതിരെ രണ്ട് ഗോളുകൾക്കാണ് വിജയിച്ചത്. മലയാളി താരം രാഹുൽ രാജു തുടർച്ചയായ മൂന്നാം മത്സരത്തിലും ഗോളുമായി തിളങ്ങി. ആദ്യ മത്സരത്തിൽ റിയലൻസ് യങ് ചാമ്പ്സിനെതിരെയും രണ്ടാം മത്സരത്തിൽ ഗോവക്ക് എതിരെയും ഗോൾ നേടാൻ രാഹുലിനായിരുന്നു.
Img 20220424 194144
മറ്റൊരു മലയാളി താരം ഷാരോൺ ഗോൾ വലയ്ക്ക് മുന്നിലായും ബെംഗളൂരുവിനായി ഇന്ന് ഇറങ്ങി‌‌. മത്സരത്തിന്റെ 15ആം മിനുട്ടിൽ ആയിരുന്നു രാഹുലിന്റെ ഗോൾ. പെനാൾട്ടി ബോക്സിൽ വെച്ച് പന്ത് സ്വീകരിച്ച് രണ്ടാം ടച്ചിൽ ഫിനിഷ് ചെയ്ത രാഹുൽ ഗോളിന് ശേഷം ക്രിസ്റ്റ്യാനോയുടെ സിയു സെലിബ്രേഷനും നടത്തി.

രണ്ടാം പകുതിയുടെ തുടക്കത്തിൽ അമൃത്പാലിലൂടെ ഹൈദരാബാദ് സമനില കണ്ടെത്തി. പിന്നീടാണ് ഇഞ്ച്വറി ടൈമിലാണ് വിജയ ഗോൾ വന്നത്. മൊനിറുൽ മൊല്ലയാണ് വിജയ ഗോൾ നേടിയത്. ബെംഗളൂരു എഫ് സിക്ക് ഈ വിജയത്തോടെ 9 പോയിന്റായി.