ദുബായി ടെസ്റ്റില്‍ ആദ്യ ദിവസം ആദ്യ സെഷനില്‍ പാക്കിസ്ഥാന് പൊരുതുന്നു. ആദ്യ ഓവറുകളില്‍ ഇരട്ട വിക്കറ്റുമായി കോളിന്‍ ഡി ഗ്രാന്‍ഡോം ന്യൂസിലാണ്ടിനു മുന്‍തൂക്കം നല്‍കിയെങ്കിലും പിന്നീട് അസ്ഹര്‍ അലിയും ഹാരിസ് സൊഹൈലും ചേര്‍ന്ന് കൂടുതല്‍ വിക്കറ്റ് നഷ്ടമില്ലാതെ ടീമിനെ മുന്നോട്ട് നയിക്കുകയായിരുന്നു. 9 റണ്‍സ് വീതം നേടിയ ഓപ്പണര്‍മാരായ ഇമാം-ഉള്‍-ഹക്കിനെയും മുഹമ്മദ് ഹഫീസിനെയും ഗ്രാന്‍ഡോം പുറത്താക്കുകയായിരുന്നു.
മൂന്നാം വിക്കറ്റില്‍ ഒത്തുകൂടിയ അസ്ഹര്‍ അലി-ഹാരിസ് സൊഹൈല്‍ കൂട്ടുകെട്ട് 31 റണ്‍സാണ് ഇതുവരെ നേടിയിട്ടുള്ളത്. ആദ്യ സെഷന്‍ അവസാനിക്കുമ്പോള്‍ 28 ഓവറില്‍ നിന്ന് പാക്കിസ്ഥാന് 56 റണ്‍സാണ് നേടിയിട്ടുള്ളത്. അസ്ഹര്‍ അലി 24 റണ്‍സും ഹാരിസ് സൊഹൈല്‍ 16 റണ്‍സും നേടി ക്രീസില്‍ നില്‍ക്കുന്നു.
