അനായാസ ജയവുമായി ആതിഥേയര്, വെസ്റ്റിന്ഡീസിനെതിരെ 8 വിക്കറ്റ് ജയം
U-19 ക്രിക്കറ്റ് ലോകകപ്പിലെ ആദ്യ ദിവസത്തെ നാലാം മത്സരത്തില് അനായാസ ജയം സ്വന്തമാക്കി ന്യൂസിലാണ്ട്. വെസ്റ്റിന്ഡീസിന്റെ 233 റണ്സ് 63 പന്തുകള് ബാക്കി നില്ക്കെ 2 വിക്കറ്റ് നഷ്ടത്തിലാണ് ന്യൂസിലാണ്ട് മറികടന്നത്. രണ്ടാം വിക്കറ്റില് 163 റണ്സ് കൂട്ടുകെട്ട് നേടി ജേകബ് ഭൂല-ഫിന് അലന് കൂട്ടുകെട്ടാണ് ആതിഥേയരെ വിജയത്തിലേക്ക് നയിച്ചത്. ഫിന് അലന് 115 റണ്സ് നേടി പുറത്താകാതെ നിന്നപ്പോള് ജേകബ് 83 റണ്സ് നേടി പുറത്തായി.
നേരത്തെ ആദ്യം ബാറ്റ് ചെയ്ത വെസ്റ്റിന്ഡീസിനു ഒന്നാം വിക്കറ്റില് മികച്ച തുടക്കമാണ് ലഭിച്ചത്. ഓപ്പണിംഗ് വിക്കറ്റ് കൂട്ടുകെട്ട് 27.2 ഓവറില് 123 റണ്സ് നേടിയെങ്കിലും പിന്നീട് വിക്കറ്റുകള് തുടരെ വീണപ്പോള് 50 ഓവറില് 8 വിക്കറ്റ് നഷ്ടത്തില് 233 റണ്സേ അവര്ക്ക് നേടാനായുള്ളു. ഓപ്പണര് കീഗന് സിമ്മണ്സ് 92 റണ്സുമായി പുറത്താകാതെ നിന്നപ്പോള് കിമാനി മെലിയസ് 78 റണ്സ് നേടി.
ന്യൂസിലാണ്ടിനായി രചിന് രവീന്ദ്ര, മാത്യൂ ഫിഷര് എന്നിവര് മൂന്ന് വിക്കറ്റും ഫെലിക്സ് മുറേ 2 വിക്കറ്റും നേടി.
കൂടുതൽ കായിക വാർത്തകൾക്ക് : www.facebook.com/FanportOfficial
