ഇന്ത്യയുടെ അഭിമാനമായി നിതു!! 48 കിലോഗ്രാം വിഭാഗത്തിൽ ലോക ചാമ്പ്യൻ

നിതുവിലൂടെ ലോക ചാമ്പ്യൻഷിപ്പിൽ ഇന്ത്യക്ക് ആദ്യ സ്വർണ്ണം. IBA വനിതാ ബോക്സിംഗ് ലോക ചാമ്പ്യൻഷിപ്പിന്റെ 48 കിലോഗ്രാം വിഭാഗത്തിൽ മംഗോളിയയുടെ ലുത്സൈഖാൻ അൽതൻസെറ്റ്സെഗിനെ പരാജയപ്പെടുത്തി ഇന്ത്യയുടെ നിതു ഗംഗാസ് ആണ് സ്വർണ്ണ മെഡൽ നേടിയ. ഏകകണ്ഠമായ തീരുമാനത്തിന് ശേഷം അവർ 5-0 ന് വിജയിക്കുകയായിരുന്നു.

ലോക ചാമ്പ്യൻഷിപ്പിൽ തന്റെ കന്നി ഫൈനൽ കളിക്കുകയായിരുന്നു നിതു. ക്വാർട്ടർ ഫൈനലിൽ ജപ്പാന്റെ വാഡ മഡോകയെയാണ് യുവതാരം മറികടന്നത്. സെമിയിൽ കസാക്കിസ്ഥാന്റെ അലുവ ബെൽകിബെക്കോവയെയും നിതു പരാജയപ്പെടുത്തിയിരുന്നു.