എഫ് സി ഗോവയുടെ ഗോൾ കീപ്പർ ആയിരുന്ന മൊഹമ്മ്ദ് നവാസ് ഇനി മുംബൈ സിറ്റിയിൽ കളിക്കും. താരത്തിന്റെ സൈനിംഗ് മുംബൈ സിറ്റി ഇന്ന് ഔദ്യോഗികമായി പ്രഖ്യാപിച്ചു. അമ്രീന്ദർസിംഗ് മുംബൈ സിറ്റി വിട്ട ഒഴിവിലേക്ക് ആണ് മുംബൈ സിറ്റി നവാസിനെ കൊണ്ടുവരുന്നത്. മുംബൈ സിറ്റി പരിശീലകനായ ലൊബേരയ്ക്ക് കീഴിൽ രണ്ട് സീസണുകളോളം കളിച്ചിട്ടുള്ള താരമാണ് നവാസ്.
It's official – Mohammad Nawaz is an Islander! ✍️#𝗡𝗮𝗺𝗮𝘀𝗸𝗮𝗿𝗡𝗮𝘄𝗮𝘇, welcome to #𝗔𝗮𝗺𝗰𝗵𝗶𝗖𝗶𝘁𝘆! 💙 @nawaz_nao
— Mumbai City FC (@MumbaiCityFC) September 27, 2021
ലൊബേര ഗോവയിൽ ആയിരിക്കെ നവാസ് ആയിരുന്നു ഗോവയുടെ ഒന്നാം നമ്പർ. എന്നാൽ ലൊബേര പോയതും ധീരജ് സിംഗ് ഗോവയിൽ എത്തിയതും നവാസിന്റെ അവസരങ്ങൾ കുറച്ചിരുന്നു. ബോൾ കൈകാര്യം ചെയ്യുന്നതിൽ മികവുള്ള നവാസ് മുംബൈ സിറ്റിയുടെ ഒന്നാം നമ്പറായി തന്നെ ആകും ചാമ്പ്യൻ ക്ലബിലേക്ക് എത്തുക. 21കാരനായ താരം 43 മത്സരങ്ങൾ ഐ പി എല്ലിൽ കളിച്ചിട്ടുണ്ട്. ഗോവയ്ക്ക് ഒപ്പം സൂപ്പർ കപ്പും ഐ എസ് എൽ ലീഗ് ഷീൽഡ് കിരീടവും നേടിയിട്ടുണ്ട്.
