ജിന്‍സി ജോര്‍ജ്ജിന് ശതകം, കേരളത്തിന് 175 റൺസിന്റെ കൂറ്റന്‍ വിജയം

Jincygeorge

ത്രിപുരയ്ക്കെതിരെ വിജയം നേടി കേരള വനിതകള്‍. ഇന്ന് നടന്ന മത്സരത്തിൽ ടോസ് നേടി ത്രിപുര ഫീൽഡിംഗ് തിരഞ്ഞെടുത്തപ്പോള്‍ ആദ്യം ബാറ്റ് ചെയ്ത കേരളം 272 റൺസാണ് 4 വിക്കറ്റ് നഷ്ടത്തിൽ നേടിയത്. ജിന്‍സി ജോര്‍ജ്ജ് 114 റൺസ് നേടിയപ്പോള്‍ അക്ഷയയും(55) സജനയും(50) അര്‍ദ്ധ ശതകങ്ങള്‍ നേടി കേരളത്തിനെ മുന്നോട്ട് നയിച്ചു. ദൃശ്യ(21*), മിന്നു മണി(19*) എന്നിവരും നിര്‍ണ്ണായക സംഭാവനകള്‍ നല്‍കി.

Keralaseniorteamwomen

മറുപടി ബാറ്റിംഗിനിറങ്ങിയ ത്രിപുര 34 ഓവറിൽ 97 റൺസിന് ഓള്‍ഔട്ട് ആയപ്പോള്‍ കേരളം 175 റൺസിന്റെ വിജയം കൈവശമാക്കി. കേരളത്തിനായി കീര്‍ത്തി ജെയിംസ്, സജന, മിന്നു മണി എന്നിവര്‍ മൂന്ന് വീതം വിക്കറ്റ് നേടി.