ക്യാപ്റ്റനെ വേണ്ട!!! ബാബര് അസമിനെ ട്രേഡ് ചെയ്ത് കറാച്ചി കിംഗ്സ്
പാക്കിസ്ഥാന് നായകനും കറാച്ചി കിംഗ്സിന്റെ നായകനുമായ ബാബര് അസമിനെ പേഷ്വാര് സൽമിയ്ക്ക് നൽകി പിഎസ്എൽ ഫ്രാഞ്ചൈസി. പകരം ഹൈദര് അലിയെയും ഷൊയ്ബ് മാലിക്കിനെയും പേഷ്വാര് കറാച്ചിയ്ക്ക് നൽകി.
68 പിഎസ്എൽ മത്സരങ്ങളിൽ നിന്ന് 2413 റൺസ് നേടിയിട്ടുള്ള ബാബര് പിഎസ്എലിലെ തന്നെ ഏറ്റവും റൺസ് കണ്ടെത്തിയ ബാറ്റ്സ്മാന് ആണ്. കറാച്ചി കിംഗ്സിലേക്ക് എത്തുന്നതിന് മുമ്പ് താരം ഇസ്ലാമാബാദ് യുണൈറ്റഡിന് വേണ്ടിയാണ് കളിച്ചിട്ടുള്ളത്.
കഴിഞ്ഞ വര്ഷം നവംബറിലാണ് താരം കറാച്ചി കിംഗ്സിന്റെ ക്യാപ്റ്റനായി എത്തിയത്.