പരിക്ക്, റാകിറ്റിച്ച് നിർണായക മത്സരത്തിനില്ല

ക്രൊയേഷ്യൻ മിഡ്ഫീൽഡർ റാകിറ്റിച് നിർണായക മത്സരത്തിന് ക്രൊയേഷ്യയുടെ കൂടെ ഉണ്ടാവില്ല. ഞായറാഴ്ച നടക്കുന്ന നാഷൺസ് ലീഗിലെ ഇംഗ്ലണ്ടിനെതിരായ പോരാട്ടത്തിൽ റാകിറ്റിച് കളിക്കില്ല എന്ന് ക്രൊയേഷ്യൻ പരിശീലകൻ വ്യക്തമാക്കി. സ്പെയിനിന് എതിരാറ്റ കഴിഞ്ഞ മത്സരത്തിൽ പരിക്ക് കാരണം റാകിറ്റിച് 70ആം മിനുട്ടിൽ പുറത്ത് പോയിരുന്നു. പുറം വേദന അനുഭവപ്പെട്ടാണ് റാകിറ്റിച് കളം വിട്ടത് എന്ന് പരിശീലകൻ പറഞ്ഞു.

പരിക്ക് സാരമുള്ളതാണെന്നും അതുകൊണ്ട് തന്നെ റാകിറ്റിചിനെ ബാഴ്സലോണയിലേക്ക് തിരിച്ചയച്ചു എന്നും ക്രൊയേഷ്യൻ പരിശീലകൻ പറഞ്ഞു. ഇംഗ്ലണ്ടിനെതിരെ ഞായറാഴ്ച ഉള്ള മത്സരം വിജയിച്ചാൽ ക്രൊയേഷ്യക്ക് ഫൈനൽസിലേക്ക് യോഗ്യത നേടാം. പരാജയപ്പെടുക ആണെങ്കിൽ ഇംഗ്ലണ്ട് ആകും ഫൈനൽസിൽ എത്തുക.