ഏഷ്യന് ഗെയിംസിൽ ലോക റെക്കോര്ഡോടു കൂടി ഷൂട്ടിംഗിൽ സ്വര്ണ്ണം നേടി ഇന്ത്യ. ഇന്ത്യയുടെ 10 മീറ്റര് എയര് റൈഫിള് പുരുഷ ടീം ആണ് സ്വര്ണ്ണ നേട്ടം കൊയ്തത്. യോഗ്യതയിൽ 1893.7 എന്ന സ്കോര് നേടിയാണ് ഇന്ത്യ ലോക റെക്കോര്ഡ് സൃഷ്ടിച്ചത്.
രുദ്രാക്ഷ് ബാലാസാഹേബ് പട്ടേൽ, ഐശ്വരി പ്രതാപ് സിംഗ് തോമാര്, ദിവ്യാന്ഷ് സിംഗ് പന്വാര് എന്നിവരാണ് ടീമംഗങ്ങള്. ചൈനയുടെ പേരിലുള്ള 1893.3 എന്ന ലോക റെക്കോര്ഡാണ് ഇന്ത്യ മറികടന്നത്.
