സാഫ് കപ്പിന്റെ രണ്ടാം മത്സരത്തിലും ഇന്ത്യക്ക് വിജയം. ആദ്യ മത്സരത്തിൽ പാകിസ്താനെ പരാജയപ്പെടുത്തിയ ഇന്ത്യ ഇന്ന് മാൾഡീവ്സിന്റെ വലയിലേക്ക് 9 ഗോളുകൾ ആണ് അടിച്ചു കൂട്ടിയത്‌. അഞ്ജു തമാംഗ് നാലു ഗോളുകളുമായി താരമായി മാറി.
മത്സരത്തിന്റെ അഞ്ചാം മിനുട്ടിൽ അഞ്ജു തമാംഗിന്റെ ഒരു ഗംഭീര സ്ട്രൈക്കിൽ നിന്നായിരുന്നു ഇന്ത്യ ഗോളടി തുടങ്ങിയത്‌. 42ആം മിനുട്ടിൽ കേരള ബ്ലാസ്റ്റേഴ്സ് താരം പ്രിയങ്കയുടെ ഒരു ലോങ് റേഞ്ചർ രണ്ടാം ഗോളായി മാറി. ആദ്യ പകുതിയുടെ അവസാനം അഞ്ജു ഒരു ഗോൾ കൂടെ നേടിയതോടെ ആദ്യ പകുതിയുടെ അവസാനത്തിൽ 3-0ന് ഇന്ത്യ ലീഡിൽ നിന്നു.
രണ്ടാം പകുതിയിൽ ഗോളടിയുടെ വേഗത കൂടി. 53ആം മിനുട്ടിൽ ഗ്രേസ്, 55ആം മിനുട്ടിൽ സൗമ്യയും ഹോൾ നേടി. ഇന്ത്യ 5-0ന് മുന്നിൽ. പിന്നീട് 84ആം മിനുട്ടിൽ കാഷ്മിനയുടെ ഗോൾ. സ്കോർ ആറിലേക്ക് എത്തിച്ചു. പിന്നാലെ അഞ്ജു തമാംഗിന്റെ ഹാട്രിക്ക് ഗോൾ വന്നു.
അതിനു ശേഷം ഗ്രേസും അഞ്ജുവും വീണ്ടും ഗോൾ നേടിയതോടെ ഇന്ത്യയുടെ ജയം പൂർത്തിയായി.
