വെറും 118 റൺസ്!!! ഒല്ലി റോബിന്സണിന്റെ അഞ്ച് വിക്കറ്റ് നേട്ടത്തിന് മുന്നിൽ തകര്ന്ന് ദക്ഷിണാഫ്രിക്ക, ബ്രോഡിന് നാല് വിക്കറ്റ്
ഓവലിലെ മൂന്നാം ടെസ്റ്റിന്റെ മൂന്നാമത്തെ ദിവസം കളി ആരംഭിച്ചപ്പോള് ദക്ഷിണാഫ്രിക്കയുടെ ഇന്നിംഗ്സ് 118 റൺസിന് അവസാനിച്ചു. 30 റൺസ് നേടിയ മാര്ക്കോ ജാന്സന് ആണ് ടീമിന്റെ ടോപ് സ്കോറര്. ഖായ സോണ്ടോ 23 റൺസും നേടിയെങ്കിലും ഒല്ലി റോബിന്സൺ ദക്ഷിണാഫ്രിക്കയുടെ ബാറ്റിംഗിനെ തകര്ത്തെറിയുകയായിരുന്നു.
36.2 ഓവര് മാത്രം ദക്ഷിണാഫ്രിക്കയുടെ ബാറ്റിംഗ് പിടിച്ചുനിന്നപ്പോള് റോബിന്സൺ അഞ്ചും സ്റ്റുവര്ട് ബ്രോഡിന് നാല് വിക്കറ്റും ലഭിച്ചു.