കരുത്ത് കാട്ടി ഇന്ത്യ, എഡ്ജ്ബാസ്റ്റണിൽ തിരിച്ചുവരവ്

Sports Correspondent

Download the Fanport app now!
Appstore Badge
Google Play Badge 1

എഡ്ജ്ബാസ്റ്റണിൽ ആദ്യ ദിവസം അവസാനിക്കുമ്പോള്‍ ഇന്ത്യ കരുതുറ്റ നിലയിൽ. ഒന്നാം ഇന്നിംഗ്സിൽ 73 ഓവറിൽ നിന്ന് ഇന്ത്യ 338/7 എന്ന നിലയിലാണ് നിലകൊള്ളുന്നത്. 83 റൺസുമായി രവീന്ദ്ര ജഡേജയും റണ്ണൊന്നുമെടുക്കാതെ മുഹമ്മദ് ഷമിയും ആണ് ഇന്ത്യയ്ക്കായി ക്രീസിലുള്ളത്.

ജെയിംസ് ആന്‍‍ഡേഴ്സണും മാത്യു പോട്സും ചേര്‍ന്ന് ഇന്ത്യന്‍ ടോപ് ഓര്‍ഡറിനെ തകര്‍ത്തപ്പോള്‍ ഇന്ത്യ 98/5 എന്ന നിലയിലേക്ക് വീഴുകയായിരുന്നു. അവിടെ നിന്ന് ആറാം വിക്കറ്റിൽ പന്തും ജഡേജയും ചേര്‍ന്ന് നേടിയ 222 റൺസാണ് ഇന്ത്യയുടെ തിരിച്ചുവരവ് സാധ്യമാക്കിയത്.

പന്ത് 146 റൺസ് നേടി പുറത്താകുകയായിരുന്നു. ഗിൽ(17), പുജാര(13), ഹനുമ വിഹാരി(20), വിരാട് കോഹ്‍ലി(11), ശ്രേയസ്സ് അയ്യര്‍(15) എന്നിവരെല്ലാം ടോപ് ഓര്‍ഡറിൽ വേഗത്തിൽ പുറത്താകുകയായിരുന്നു.