ആവേശപ്പോരിൽ സ്പെനിയിനെ പിന്തള്ളി ഓസ്ട്രേലിയ, ബെൽജിയവും സെമിയിൽ

Australia

ഹോക്കി ലോകകപ്പിന്റെ സെമി ഫൈനലില്‍ പ്രവേശിച്ച് ഓസ്ട്രേലിയയും ബെൽജിയവും. ന്യൂസിലാണ്ടിനെ ഏകപക്ഷീയമായ രണ്ട് ഗോളുകള്‍ക്ക് പരാജയപ്പെടുത്തിയാണ് ബെൽജിയം സെമിയിലെത്തിയതെങ്കിൽ സ്പെയിനിന്റെ കടുത്ത ചെറുത്ത്നില്പ് മറികടന്നാണ് ഓസ്ട്രേലിയ സെമി സ്ഥാനം നേടിയത്.

മത്സരത്തിന്റെ ഒരു ഘട്ടത്തിൽ സ്പെയിന്‍ രണ്ട് ഗോളിന് മുന്നിലായിരുന്നു. ആദ്യ പകുതി അവസാനിക്കുവാന്‍ ഒരു മിനുട്ട് മാത്രം ബാക്കി നിൽക്കെ 2-0ന് മുന്നിലായിരുന്ന സ്പെയിനിനെതിരെ ഓസ്ട്രേലിയ ഒരു ഗോള്‍ മടക്കി.

Spain

അതിന് ശേഷം രണ്ടാം പകുതിയുടെ ആദ്യ മിനുട്ടുകളിൽ തന്നെ ഓസ്ട്രേലിയ 3 ഗോളുകള്‍ നേടി മത്സരത്തിൽ 4-2ന്റെ ലീഡ് നേടി. സ്പെയിന്‍ ഒരു ഗോള്‍ മടക്കിയെങ്കിലും സമനില ഗോള്‍ കണ്ടെത്തുവാന്‍ അവര്‍ക്കായില്ല.