മാഞ്ചസ്റ്റർ യുണൈറ്റഡ് ഉടമകൾക്ക് എതിരെ ആഞ്ഞടിച്ച് യുണൈറ്റഡ് ഇതിഹാസം ഗാരി നെവിൽ. സൂപ്പർ ലീഗിലെ ചേരാനുള്ള മാഞ്ചസ്റ്റർ യുണൈറ്റഡ് ക്ലബിന്റെ തീരുമാനം ആണ് നെവിലിനെ ചൊടുപ്പിച്ചത്. ഇത്ര കാലവും താൻ യുണൈറ്റഡ് ഉടമകളായ ഗ്ലേസേഴ്സ് കുടുംബത്തെ കുറിച്ച് നിശബ്ദത പാലിക്കുക ആയിരുന്നു. അവർ ക്ലബിനെ നശിപ്പിച്ച് കൊണ്ടിരിക്കുക ആണെങ്കിലും ഫുട്ബോളും ആരാധകരും എങ്കിലും ബാക്കി ഉണ്ടായിരുന്നു. എന്നാൽ പുതിയ തീരുമാനം അതും ഇല്ലാതെ ആക്കും എന്ന് നെവിൽ പറഞ്ഞു.
ഗ്ലേസേഴ്സ് ചെയ്യുന്നത് ക്രിമനൽ കുറ്റം ആണെന്ന് നെവിൽ പറഞ്ഞു. ആരാധകരും താരങ്ങളും ഒക്കെ ഈ നീക്കത്തിന് എതിരെ പ്രതികരിക്കണം. ഇത് നടക്കാതെ നോക്കേണ്ടതുണ്ട് എന്നും അദ്ദേഹം പറഞ്ഞു. സമ്പന്ന ക്ലബുകൾക്ക് ഒന്നും സംഭവിക്കാൻ പോകാത്ത അവർക്ക് റിലഗേഷൻ ഇല്ലാത്ത ഒരു ടൂർണമെന്റ് തുടങ്ങുന്നത് കൊണ്ട് ഫുട്ബോളിന്റെ സത്യസന്ധത ആണ് ഇവർ ഇല്ലാതെയാക്കുന്നത് എന്നും നെവിൽ പറഞ്ഞു. ഗ്ലേസേഴ്സ് മാഞ്ചസ്റ്റർ യുണൈറ്റഡ് വിറ്റ് രാജ്യം വിടണം എന്നും അദ്ദേഹം ആവശ്യപ്പെട്ടു.
