ബംഗ്ലാദേശ് ബൗളിംഗിനെ അതിജീവിച്ച് സിംബാബ്‍വേ

Sports Correspondent

Download the Fanport app now!
Appstore Badge
Google Play Badge 1

ബംഗ്ലാദേശ് ബൗളിംഗിനെ അതിജീവിച്ച് ആദ്യ ദിവസം രക്ഷപ്പെട്ട് സിംബാബ്‍വേ. ആദ്യ ദിവസത്തെ കളി അവസാനിപ്പിക്കുമ്പോള്‍ 236/5 എന്ന നിലയിലാണ് സന്ദര്‍ശകര്‍. ഷോണ്‍ വില്യംസ്, ഹാമിള്‍ട്ടണ്‍ മസകഡ്സ എന്നിവരുടെ അര്‍ദ്ധ ശതകങ്ങളാണ് സിംബാബ്‍വേയുടെ രക്ഷയ്ക്കെത്തിയത്. സിംബാബ്‍വേയ്ക്കായി ഷോണ്‍ വില്യംസ് 88 റണ്‍സും ഹാമിള്‍ട്ടണ്‍ മസകഡ്സ 52 റണ്‍സുമാണ് നേടിയത്.

പീറ്റര്‍ മൂര്‍(37*) റെഗിസ് ചകാബ്‍വ(20*) എന്നിവരാണ് ക്രീസില്‍ നില്‍ക്കുന്നത്. ബംഗ്ലാദേശിനായി തൈജുല്‍ ഇസ്ലാം രണ്ടും മഹമ്മദുള്ള, അബു ജയേദ്, നസ്മുള്‍ ഇസ്ലാം എന്നിവര്‍ ഓരോ വിക്കറ്റും വീഴ്ത്തി. ആറാം വിക്കറ്റില്‍ 35 റണ്‍സാണ് മൂര്‍-ചകാബ്‍വ കൂട്ടുകെട്ട് ഇതുവരെ നേടിയിട്ടുള്ളത്.