യുവരാജ് സിങ് മികച്ച വിടവാങ്ങൽ അർഹിച്ചിരുന്നെന്ന് കപിൽ ദേവ്

Staff Reporter

Download the Fanport app now!
Appstore Badge
Google Play Badge 1

യുവരാജ് സിങ് ഇതിലും മികച്ച വിടവാങ്ങൽ അർഹിച്ചിരുന്നെന്ന് മുൻ ഇന്ത്യൻ ക്യാപ്റ്റനും ലോകകപ്പ് ജേതാവുകൂടിയായ കപിൽദേവ്. കഴിഞ്ഞ ദിവസമാണ് യുവരാജ് സിങ് ക്രിക്കറ്റിന്റെ എല്ലാ ഫോർമാറ്റിൽ നിന്നും വിരമിക്കൽ പ്രഖ്യാപിച്ചിരുന്നു. 17 വർഷത്തെ ക്രിക്കറ്റ് ജീവിതത്തിനാണ് യുവരാജ് അവസാനം കുറിച്ചത്. 2011 ലോകകപ്പിൽ ഇന്ത്യയുടെ ഹീറോയായ യുവരാജിന് നല്ലൊരു വിടവാങ്ങൽ നൽകാത്തതിനെതിരെ പല മുൻ താരങ്ങളും രംഗത്തെത്തിയിരുന്നു.

യുവരാജിനെ പോലെ ഒരു താരത്തിന് ഗ്രൗണ്ടിലാണ് വിടവാങ്ങൽ ലഭിക്കേണ്ടതെന്നും അത് ഒരു വാക്കിൽ പറയേണ്ടതില്ലെന്നും കപിൽ ദേവ് പറഞ്ഞു.  തന്റെ ഓൾ ടൈം ക്രിക്കറ്റ് താരങ്ങളുടെ പട്ടികയിൽ യുവരാജിന് സ്ഥാനം ഉണ്ടെന്നും കപിൽ ദേവ് പറഞ്ഞു. ക്രിക്കറ്റ് രംഗത്ത് യുവരാജ് നേടിയതിനേക്കാൾ നേട്ടങ്ങൾ ജീവിതത്തിൽ യുവരാജിന് ലഭിക്കട്ടെയെന്നും കപിൽദേവ് ആശംസിച്ചു. ഇന്ത്യൻ ക്രിക്കറ്റ് ഇതിഹാസങ്ങളായ സെവാഗ്, രാഹുൽ ദ്രാവിഡ്, ലക്ഷ്മൺ, ഗൗതം ഗംഭീർ എന്നിവർക്കും വിടവാങ്ങൽ മത്സരം ലഭിച്ചിരുന്നില്ല.