ഇതിഹാസങ്ങളുടെ മത്സരത്തിന് ഇടയിൽ യൂസുഫ് പഠാനും ജോൺസനും ഏറ്റുമുട്ടി, ജോൺസന് വിലക്ക് കിട്ടിയേക്കും

Picsart 22 10 03 11 03 58 883

ഇന്നലെ ബർകത്തുള്ള ഖാൻ സ്റ്റേഡിയത്തിൽ നടന്ന ബിൽവാര കിംഗ്‌സും ഇന്ത്യ ക്യാപിറ്റൽസും തമ്മിലുള്ള മത്സരത്തിനിടെ രണ്ട് മുൻ താരങ്ങൾ തമ്മിൽ ഏറ്റുമുട്ടി. മുൻ ഇന്ത്യൻ ഓൾറൗണ്ടർ യൂസഫ് പത്താനെ മിച്ചൽ ജോൺസൻ പ്രകോപിപിച്ചതാണ് സംഭവത്തിന് കാരണമായത്‌. സംഭവം ആരാഞ്ഞ് ജോൺസന് അടുക്കലേക്ക് പോയ യൂസുഫ് പഠാനെ ഓസ്ട്രേലിയൻ താരം തള്ളി മാറ്റി.

യൂസുഫ് 22 10 02 17 54 55 209

അമ്പയർമാരും സഹതാരങ്ങളും ഇടപെട്ടാണ് സ്ഥിതിഗതികൾ ശാന്തമാക്കിയത്‌. സംഭവത്തിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്. വീഡിയോയിൽ, യൂസഫ് ജോൺസണുമായി തർക്കിക്കുന്നതും പേസർ അവനെ തള്ളുന്നതും കാണാം. ജോൺസനെ അടുത്ത മത്സരത്തിൽ വിലക്കാൻ ആണ് അധികൃതർ ഇപ്പോൾ ആലോചിക്കുന്നത്‌.