പാക്കിസ്ഥാനു ഇന്നിംഗ്സിന്റെയും 16 റണ്‍സിന്റെയും വിജയം സമ്മാനിച്ച് യസീര്‍ ഷാ

- Advertisement -

ആദ്യ ഇന്നിംഗ്സിലേത് പോലെ രണ്ടാം ഇന്നിംഗ്സിലും യസീര്‍ ഷാ സംഹാര താണ്ഡവമാടിയപ്പോള്‍ പാക്കിസ്ഥാനു ഇന്നിംഗ്സിന്റെയും 16 റണ്‍സിന്റെയും വിജയം. ആദ്യ ഇന്നിംഗ്സില്‍ 8 വിക്കറ്റ് നേടിയ യസീര്‍ ഷാ രണ്ടാം ഇന്നിംഗ്സില്‍ 6 വിക്കറ്റാണ് നേടിയത്. മത്സരത്തില്‍ നിന്ന് 14 വിക്കറ്റുകളാണ് താരം സ്വന്തമാക്കിയത്. ഹസന്‍ അലി മൂന്ന് വിക്കറ്റ് നേടിയപ്പോള്‍ 112.5 ഓവറില്‍ ന്യൂസിലാണ്ടിന്റെ രണ്ടാം ഇന്നിംഗ്സ് 312 റണ്‍സില്‍ അവസാനിച്ചു.

82 റണ്‍സ് നേടിയ റോസ് ടെയിലര്‍ ന്യൂസിലാണ്ട് നിരയിലെ ടോപ് സ്കോറര്‍ ആയപ്പോള്‍ ഹെന്‍റി നിക്കോളസ് 77 റണ്‍സും ടോം ലാഥം 50 റണ്‍സും നേടി. തലേ ദിവസത്തെ സ്കോറായ 131/2 എന്ന നിലയില്‍ നിന്ന് ബാറ്റിംഗ് പുനരാരംഭിച്ച ന്യൂസിലാണ്ടിനു ഏറെ വൈകാതെ ടോം ലാഥമിനെ നഷ്ടമായി. പിന്നീട് കൃത്യമായ ഇടവേളകളില്‍ വിക്കറ്റുകളുമായി ഹസന്‍ അലിയും യസീര്‍ ഷായും പാക്കിസ്ഥാനെ വിജയത്തിലേക്ക് നയിക്കുകയായിരുന്നു. ബിലാല്‍ ആസിഫിനു ഒരു വിക്കറ്റ് ലഭിച്ചു.

Advertisement