മത്സരത്തില്‍ നിന്ന് പത്ത് വിക്കറ്റാണ് പ്രതീക്ഷിച്ചത്, ഒറ്റ ദിവസം തന്നെ കിട്ടി – യസീര്‍ ഷാ

- Advertisement -

താന്‍ രണ്ടാം ടെസ്റ്റില്‍ നിന്ന് പത്ത് വിക്കറ്റാണ് പ്രതീക്ഷിച്ചതെങ്കില്‍ അത് തനിക്ക് മത്സരത്തിന്റെ മൂന്നാം ദിവസം തന്നെ കിട്ടിയെന്ന് പറഞ്ഞ് യസീര്‍ ഷാ. മൂന്നാം ദിവസം മാത്രം രണ്ട് ഇന്നിംഗ്സുകളിലായി 10 വിക്കറ്റുകള്‍ നേടിയ യസീര്‍ ഇരു ഇന്നിംഗ്സുകളിലായി 14 വിക്കറ്റുകള്‍ നേടി. ആദ്യ ഇന്നിംഗ്സില്‍ എട്ട് വിക്കറ്റുകള്‍ നേടിയ യസീര്‍ ഒരോവറില്‍ തന്നെ മൂന്ന് വിക്കറ്റ് നേടിയിരുന്നു. ടോം ലാഥം, റോസ് ടെയിലര്‍, ഹെന്‍റി നിക്കോളസ് എന്നിവരായിരുന്നു ഇരകള്‍.

മൂന്നാം ദിവസം തന്നെ ന്യൂസിലാണ്ടിന്റെ രണ്ടാം ഇന്നിംഗ്സില്‍ വീണ രണ്ട് വിക്കറ്റും നേടി യസീര്‍ ഷാ ദിവസത്തെ വിക്കറ്റ് നേട്ടം പത്താക്കി. നാലാം ദിവസം നാല് വിക്കറ്റ് കൂടി നേടി താരം 14 വിക്കറ്റുകളിലേക്ക് നീങ്ങുകയും പാക്കിസ്ഥാനെ ഇന്നിംഗ്സ് ജയത്തിലേക്ക് നയിക്കുകയും ചെയ്തു. മൂന്നാം ദിവസം ഗ്രൗണ്ടിലെത്തുമ്പോള്‍ തന്റെ മനസ്സില്‍ പത്ത് വിക്കറ്റ് മത്സരത്തില്‍ നിന്ന് നേടുകയെന്ന മോഹം മാത്രമേയുണ്ടായിരുന്നുള്ളുവെന്ന് പറഞ്ഞ താരം തനിക്ക് ഇത് ഒറ്റ ദിവസത്തില്‍ ലഭിയ്ക്കുമെന്ന് കരുതിയിരുന്നില്ലെന്നും പറഞ്ഞു.

Advertisement