Category: World Cup

ഇന്ന് കെ എൽ രാഹുൽ ഒരു ഇന്ത്യൻ റെക്കോർഡ് ഇട്ടു. ഏകദിന ലോകകപ്പിൽ ഏറ്റവും വേഗത്തിൽ സെഞ്ച്വറി നേടുന്ന താരമായി കെ എൽ രാഹുൽ മാറി. ഇന്ന് 62 പന്തിൽ ആണ് രാഹുൽ സെഞ്ച്വറി നേടിയത്. തന്റെ രണ്ടാം ലോകകപ്പ് സെഞ്ചുറി ആണ് രാഹുക് ഇന്ന് നേടിയത്. ലോകകപ്പിലെ ഏറ്റവും വേഗമേറിയ സെഞ്ചുറിയെന്ന രോഹിത് ശർമ്മയുടെ റെക്കോർഡാണ് അദ്ദേഹം തകർത്തത്.

മത്സരത്തിന്റെ അവസാന ഓവറിൽ 2 സിക്‌സറുകൾ പറത്തി ആയിരുന്നു രാഹുൽ സെഞ്ച്വറിയിൽ എത്തു. രോഹിത് അഫ്ഗാനിസ്താനെതിരെ 63 പന്തിൽ സെഞ്ച്വറി നേടിയിരുന്നു. ആ റെക്കോർഡ് പഴങ്കഥ ആയി.

ഇന്ന് ലോകകപ്പിൽ ഇന്ത്യ ഒരു ചരിത്രം എഴുതി. ഇന്ന് നെതർലാൻസിനെതിരെ ആദ്യം ബാറ്റു ചെയ്ത ഇന്ത്യയുടെ ആദ്യ അഞ്ചു താരങ്ങളും അർദ്ധ സെഞ്ച്വറി കടന്നു. ഇതാദ്യമായാണ് ഒരു ലോകകപ്പ് മത്സരത്തിൽ ആദ്യ അഞ്ച് ബാറ്റർമാരും അർദ്ധ സെഞ്ച്വറി നേടുന്നത്. ഏകദിന ക്രിക്കറ്റ് ചരിത്രത്തിൽ തന്നെ ഇത് മൂന്നാമത്തെ തവണ മാത്രമാണ് ഒരു ടീമിലെ ആദ്യം 5 ബാറ്റർമാരും അർദ്ധ സെഞ്ച്വറിയിൽ എത്തുന്നത്.

ഇന്ന് ആദ്യം ഇറങ്ങിയ ഓപ്പണർമാരായി എത്തിയ ഗില്ലും രോഹിതും ഫിഫ്റ്റി നേടി. ഗിൽ 51 റൺസും രോഹിത് ശർമ്മ 61 റൺസും നേടിയി. മൂന്നാമതായി എത്തിയ വിരാട് കോഹ്ലിയും അർദ്ധ സെഞ്ച്വറി നേടി. കോഹിലി 51 റൺസുമായാണ് കളം വിട്ടത്‌. അതുകഴിഞ്ഞ് ഇറങ്ങിയ ശ്രേയസ് അയ്യറും കെ എൽ രാഹുലും വലിയ സ്കോർ തന്നെ നേടി. ശ്രേയയ്സും രാഹുൽ സെഞ്ച്വറി നേടി. ശ്രേയസ് 127 റൺസും കെ എൽ രാഹുൽ 102 റൺസും നേടി.

മുമ്പ് രണ്ടു തവണ ഓസ്ട്രേലിയ ആണ് ഏകദിനത്തിൽ ഈ നേട്ടത്തിൽ എത്തിയത്. ഓസ്ട്രേലിയയുടെ ആ രണ്ടു മത്സരവും ഇന്ത്യയ്ക്കെതിരെ ആയിരുന്നു.

ലോകകപ്പ് ലീഗ് ഘട്ടത്തിലെ അവസാന മത്സരത്തിൽ ആദ്യം ബാറ്റു ചെയ്ത ഇന്ത്യക്ക് കൂറ്റൻ സ്കോർ. നെതർലാൻസിനെതിരെ ഇന്ത്യ 410-4 സ്കോർ ചെയ്തു. എല്ലാ ബാറ്റർമാരും മികച്ചു നിന്ന ഒരു മത്സരമാണ് ഇന്ന് ഇന്ത്യയിൽ നിന്ന് കാണാൻ കഴിഞ്ഞത്. വെടിക്കെട്ട് സെഞ്ച്വറികളുമായി ശ്രേയസ് അയ്യറും കെ എൽ രാഹുൽ ആണ് ഇന്ത്യയെ കൂറ്റൻ സ്കോറിൽ എത്തിച്ചത്. ഓപ്പണർമാരായ ക്യാപ്റ്റൻ രോഹിത് ശർമ്മയും ശുഭ്മൻ ഗില്ലും മികച്ച തുടക്കം നൽകി.

ആദ്യ 10 ഓവറിൽ തന്നെ ഇന്ത്യ 90 റൺസ് കടന്നു. ഗിൽ 32 പന്തിൽ നിന്ന് 51 റൺസ് എടുത്തു. നാല് സിക്സും മൂന്ന് ഫോറും അടങ്ങുന്നതായിരുന്നു ഇന്നിംഗ്സ്. ക്യാപ്റ്റൻ രോഹിത് ശർമ്മ 54 പന്തിൽ നിന്ന് 61 റൺസും എടുത്തു. രണ്ട് സിക്സും എട്ട് ഫോറും അടങ്ങുന്നതായിരുന്നു രോഹിതിന്റെ ഇന്നിംഗ്സ്. മൂന്നാമതായി വന്ന വിരാട് കോഹ്ലിയും അർദ്ധ സെഞ്ച്വറിയും നേടി. 56 പന്തിലാണ് വിരാട് കോഹ്ലി 51 റൺസ് എടുത്തത്. അതിനുശേഷം ശ്രേയസ് അയ്യറും രാഹുലും ചേർന്ന് സ്കോർ ഉയർത്താൻ ശ്രമിച്ചു.

ശ്രേയസ് തുടർച്ചയായ മൂന്നാം മത്സരത്തിലും അർധ സെഞ്ച്വറി നേടി. ഇരുവരും ആക്രമിച്ചാണ് കളിച്ചത്. 42ആം ഓവറിൽ ഇന്ത്യ 300 റൺസ് കടന്നു. രാഹുൽ നാൽപ്പതാം പന്തിലേക്ക് അർധ സെഞ്ച്വറി കടന്നു. 400 എന്ന സ്കോർ ലക്ഷ്യം വെച്ച് കളിക്കാൻ ഇന്ത്യ തുടങ്ങിയതോടെ ബൗണ്ടറികൾ ഒഴുകി.

84 പന്തിൽ ശ്രേയസ് അയ്യർ സെഞ്ച്വറി പൂർത്തിയാക്കി. ശ്രേയസിന്റെ ആദ്യ ലോകകപ്പ് സെഞ്ച്വറി ആയിരുന്നു ഇത്. 49ആം ഓവർ എറിഞ്ഞ് വാൻ ബീകിനെതിരെ 3 സിക്സും ശ്രേയസ് അയ്യർ പറത്തി. 25 റൺസ് ആണ് ആ ഓവറിൽ വന്നത്. 94 പന്തിൽ നിന്ന് 128 റൺസ് ആണ് ശ്രേയസ് എടുത്തത്. 5 സിക്സും 10 ഫോറും അടങ്ങുന്നതായിരുന്നു ശ്രേയസിന്റെ ഇന്നിംഗ്സ്.

കെ എൽ രാഹുൽ അമ്പതാം ഓവറിൽ സെഞ്ച്വറി പൂർത്തിയാക്കി. തുടർച്ചയായ രണ്ട് സിക്സ് പറത്തി ആയിരുന്നു രാഹുലിന്റെ സെഞ്ച്വറി 62 പന്തിൽ നിന്നാണ് അദ്ദേഹം സെഞ്ച്വറിയിൽ എത്തിയത്. രാഹുലിന്റെ രണ്ട ലോകകപ്പ് സെഞ്ച്വറി ആയിരുന്നു ഇത്. ലോകകപ്പിൽ ഒരു ഇന്ത്യൻ താരത്തിന്റെ ഏറ്റവും വേഗതയാർന്ന സെഞ്ച്വറി ആയി ഇന്നത്തേത്. രാഹുൽ 64 പന്തിൽ നിന്ന് 102 റൺസുമായി ഇന്നിംഗ്സ് അവസാനിപ്പിച്ചു. 4 സിക്സും 11 ഫോറും രാഹുൽ അടിച്ചു. ഇന്ത്യ 50 ഓവറിൽ 410 എന്ന സ്കോറും കുറിച്ചു‌