2023 ലോകകപ്പിന്റെ സെമി ഫൈനലിൽ രോഹിത് ശർമ്മയെ എത്രയും വേഗം പുറത്താക്കാൻ ആകും ന്യൂസിലൻഡ് ശ്രമിക്കുക എന്ന് ഇന്ത്യൻ വിക്കറ്റ് കീപ്പർ ദിനേശ് കാർത്തിക്. രോഹിത് ശർമ്മയുടെ ഹോം ഗ്രൗണ്ടായ മുംബൈയിലെ വാങ്കഡെ സ്റ്റേഡിയത്തിൽ ആണ് ഇന്ത്യ ന്യൂസിലൻഡ് സെമി ഫൈനൽ നടക്കുന്നത്. ലീഗ് ഘട്ടത്തിൽ നേരത്തെ ഇന്ത്യ ന്യൂസിലൻഡിനെ തോൽപ്പിച്ചിരുന്നു.
“ടൂർണമെന്റിൽ ഇതുവരെ ചെയ്തത് കാര്യം ആവർത്തിക്കാൻ പോകുന്നത് ആരാണ് എന്നതിൽ എനിക്ക് സംശയമില്ല, അത് രോഹിത് ശർമ്മയാണ്. എന്നെ സംബന്ധിച്ചിടത്തോളം ന്യൂസിലൻഡ് എടുക്കാൻ ആഗ്രഹിക്കുന്ന ഏറ്റവും വലിയ വിക്കറ്റ് അവനാണ്. രോഹിത് തിളങ്ങിയാൽ, ടീം ഇന്ത്യ സെമിയിൽ വിജയിക്കുമെന്ന കാര്യത്തിൽ ഒരു സംശയവുമില്ല,” ദിനേശ് കാർത്തിക് ക്രിക്ക്ബസിനോട് പറഞ്ഞു.
“ഇത് ഇതുവരെ ഒരു മികച്ച ടൂർണമെന്റായിരുന്നു, പക്ഷേ നോക്കൗട്ട് ഗെയിമുകൾ വളരെ വ്യത്യസ്തമാണ്. സമ്മർദ്ദം വ്യത്യസ്തമാണ്. ഇന്ത്യ എത്ര നന്നായി കളിച്ചുവെന്ന് ഞങ്ങൾ കണ്ടു. അവർ ചെയ്യേണ്ടത് ഈ സമ്മർദ്ദം ഉൾക്കൊള്ളുക മാത്രമാണ്.” അദ്ദേഹം കൂട്ടിച്ചേർത്തു.