Tag: Thomas Müller

ജർമ്മൻ ഇതിഹാസതാരം തോമസ് മുള്ളർ എംഎൽഎസ് ടീമായ വാൻകൂവർ വൈറ്റ്ക്യാപ്‌സുമായി കരാറിലെത്തി. 2025 സീസണിന്റെ അവസാനം വരെയാണ് കരാർ, 2026-ലേക്ക് ഇത് നീട്ടാനുള്ള സാധ്യതയുമുണ്ട്.
ബയേൺ മ്യൂണിക്കിൽ 25 വർഷം നീണ്ട കരിയറിനുശേഷം, 13 ബുണ്ടസ്‌ലിഗ കിരീടങ്ങളും രണ്ട് ചാമ്പ്യൻസ് ലീഗ് കിരീടങ്ങളും സ്വന്തമാക്കിയാണ് 35-കാരനായ മുള്ളർ അമേരിക്കയിൽ എത്തുന്നത്.

നിലവിൽ വെസ്റ്റേൺ കോൺഫറൻസിൽ രണ്ടാം സ്ഥാനത്തുള്ള വൈറ്റ്ക്യാപ്‌സ്, മുള്ളറുടെ വരവ് കിരീടത്തിനായുള്ള തങ്ങളുടെ പോരാട്ടത്തിൽ ഒരു വലിയ ഊർജ്ജമാകുമെന്ന് കരുതുന്നു. സിഇഒ ആക്സൽ ഷൂസ്റ്റർ ഈ നീക്കത്തെ “നമ്മുടെ ക്ലബ്ബിനും നഗരത്തിനും ഒരു വഴിത്തിരിവായ നിമിഷം” എന്ന് വിശേഷിപ്പിച്ചു.

കഴിഞ്ഞ സീസണിൽ ബയേണിൽ കൂടുതലും പകരക്കാരന്റെ റോളിലായിരുന്നെങ്കിലും, 49 മത്സരങ്ങളിൽ നിന്ന് 8 ഗോളുകൾ നേടാൻ മുള്ളറിന് കഴിഞ്ഞു. 2024-ൽ അന്താരാഷ്ട്ര ഫുട്ബോളിൽ നിന്ന് വിരമിച്ച അദ്ദേഹം, ജർമ്മനിക്കായി 131 മത്സരങ്ങളിൽ നിന്ന് 45 ഗോളുകൾ നേടിയിട്ടുണ്ട്. 2014-ലെ ഫിഫ ലോകകപ്പ് നേടിയ ടീമിലെ അംഗവുമായിരുന്നു.

ബിൽഡും കിക്കറും റിപ്പോർട്ട് ചെയ്യുന്നത് അനുസരിച്ച് ഈ സീസണിന്റെ അവസാനത്തോടെ ബയേൺ മ്യൂണിക്ക് അവരുടെ ക്ലബ് ഇതിഹാസം തോമസ് മുള്ളറുമായി വേർപിരിയും. മുള്ളർ തുടരാൻ ആഗ്രഹിക്കുന്നുണ്ടെങ്കിലും, ക്ലബ് നിലവിൽ അദ്ദേഹത്തിന് പുതിയ കരാർ നൽകാൻ പദ്ധതിയിടുന്നില്ല.

2000-ത്തിൽ ക്ലബ്ബിന്റെ അക്കാദമിയിൽ ചേർന്നതിനുശേഷം 25 വർഷമായി ബയേണിൽ പ്രവർത്തിക്കുന്ന മുള്ളർ, വർഷങ്ങളായി അവരുടെ ജർമ്മനിയിലെ ആധിപത്യത്തിൽ നിർണായക പങ്ക് വഹിച്ചിട്ടുണ്ട്. അദ്ദേഹം ക്ലബ് വിടുന്നത് ബവേറിയൻ ഭീമന്മാരുടെ ഒരു യുഗത്തിന്റെ അവസാനത്തെ ആകും അടയാളപ്പെടുത്തുന്നത്.

വരും ആഴ്ചകളിൽ ഔദ്യോഗിക തീരുമാനങ്ങളും പ്രഖ്യാപനങ്ങളും പ്രതീക്ഷിക്കുന്നു.

ജർമ്മൻ ഫുട്ബോളിൻ്റെ ഇതിഹാസം തോമസ് മുള്ളർ അന്താരാഷ്ട്ര മത്സരങ്ങളിൽ നിന്ന് വിരമിക്കൽ പ്രഖ്യാപിച്ചു. 34-കാരനായ ഫോർവേഡ്, ദേശീയ ടീമിനായി 131 മത്സരങ്ങളിൽ ജേഴ്സി അണിഞ്ഞിട്ടുണ്ട്. ഈ സമയത്ത് അദ്ദേഹം 45 ഗോളുകളും 41 അസിസ്റ്റുകളും രാജ്യത്തിനായി നേടി.

2014-ൽ ബ്രസീലിൽ നടന്ന ഫിഫ ലോകകപ്പിൽ ജർമ്മനിയുടെ വിജയത്തിൽ നിർണായക പങ്ക് വഹിച്ചതാണ് മുള്ളറുടെ കരിയറിലെ ഏറ്റവും ഉയർന്ന നേട്ടം. ടൂർണമെൻ്റിലുടനീളം നിർണായക ഗോളുകളും അസിസ്റ്റുകളും താരം സംഭാവന ചെയ്തിരുന്നു.

2024 യൂറോയിൽ ജർമ്മനിയുടെ നിരാശാജനകമായ പ്രകടനത്തെ തുടർന്നാണ് മുള്ളറുടെ വിരമിക്കൽ പ്രഖ്യാപനം. അവിടെ അവർ ക്വാർട്ടർ ഫൈനലിൽ പരാജയപ്പെട്ടിരുന്നു. ഇനി ബയേണൊപ്പം ഒരു സീസൺ കൂടെ കളിച്ച് ഫുട്ബോളിൽ നിന്ന് തന്നെ മുള്ളർ വിരമിക്കും എന്ന് റിപ്പോർട്ടുകൾ ഉണ്ട്.