ഹാർദിക് പാണ്ഡ്യ ഇല്ലാത്തതോടെ ആറാമത് ഒരു ബൗളർ ഇല്ലാതെയാണ് അവസാന മത്സരങ്ങളിൽ എല്ലാം ഇന്ത്യ ഇറങ്ങിയത്‌. വേണമെങ്കിൽ വിരാട് കോഹ്ലിയെ ആറാം ബൗളർ ആയി ഉപയോഗിക്കും എന്ന് രാഹുൽ ദ്രാവിഡ് പറഞ്ഞു. ദക്ഷിണാഫ്രിക്കയ്ക്ക് എതിരായ മത്സരത്തിനു മുന്നോടിയായി സംസാരിക്കുക ആയിരുന്നു ദ്രാവിഡ്.
ആറാമത് ഒരു ഓപ്ഷനായി കഹഹ്ലി ഉണ്ടെന്ന് ദ്രാവിഡ് തമാശയായി ചൂണ്ടിക്കാണിച്ചു. ഗ്രൂപ്പ് ഘട്ടത്തിൽ നേരത്തെ ബംഗ്ലാദേശിനെതിരെ കോഹ്ലി മൂന്ന് പന്തുകൾ എറിഞ്ഞിരുന്നു. “ഞങ്ങൾക്ക് കോഹ്ലിയെ ആറാമത് ബൗളർ ആയി വിളിക്കാൻ അവസരമുണ്ട്. അവന്റെ പിന്നിൽ ജനങ്ങൾ ഉണ്ടായിരിക്കും എന്നതിനാൽ, അവൻ രണ്ട് ഓവറുകൾ എറിഞ്ഞ് കുറച്ച് വിക്കറ്റുകൾ എടുക്കാം.” ദ്രാവിഡ് രസമായി പറഞ്ഞു.
“അവസാന മത്സരത്തിൽ കാണികൾ അദ്ദേഹത്തിന് ബൗൾ നൽകാൻ ആവശ്യപ്പെട്ടിരുന്നു. ഞങ്ങൾ അദ്ദേഹത്തിന് ഒരു ഓവർ നൽകുന്നതിന് വളരെ അടുത്തെത്തിയിരുന്നു. പിന്നെ നമുക്ക് ബൗൾ ചെയ്യാൻ സൂര്യയയും ഉണ്ട്. ഒപ്പം രോഹിതും അൽപ്പം പന്തെറിയും.” ദ്രാവിഡ് പറഞ്ഞു.
“ആറാമത്തെ ഓപ്ഷൻ ഹാർദിക് ഞങ്ങൾക്ക് നൽകിയ ഒന്നാണ്. എന്നാൽ ആറാമത്തെ ബൗളിംഗ് ഓപ്ഷൻ ഇല്ലാതെയാണ് ഞങ്ങൾ കഴിഞ്ഞ നാല് മത്സരങ്ങൾ കളിക്കുന്നത്. ലോകകപ്പിന് മുമ്പുള്ള ഓസ്‌ട്രേലിയ പരമ്പരയിൽ ആറാമത്തെ ഓപ്ഷൻ ഇല്ലാതെ ഞങ്ങൾ രണ്ട് ഗെയിമുകൾ കളിച്ചിരുന്നു.” ദ്രാവിഡ് പറഞ്ഞു.
