സിംബാബ്‍വേയുടെ പുതിയ ടി20 നായകനായി സിക്കന്ദര്‍ റാസയെ നിയമിച്ചെന്ന് അറിയിച്ച് സിംബാബ്‍വേ ക്രിക്കറ്റ് ബോര്‍ഡ്. അടുത്ത് വരാനിരിക്കുന്ന ടി20 ലലോകകപ്പ് യോഗ്യതയ്ക്ക് മുന്നോടിയായാണ് ഈ മാറ്റം. ഇത് വരെ മൂന്ന് ഫോര്‍മാറ്റിലും ടീമിനെ നയിക്കുകയായിരുന്ന സീനിയര്‍ താരം ക്രെയിഗ് ഇര്‍വിന്‍ ഇനി ടീമിനെ ടെസ്റ്റിലും ഏകദിനത്തിലും മാത്രമാകും നയിക്കുക.
മുഖ്യ കോച്ച് ഡേവ് ഹൗട്ടൺ തന്റെ സ്ഥാനം തുടരുമെന്നും ബോര്‍ഡ് അറിയിച്ചിട്ടുണ്ട്. സിംബാബ്‍വേയുടെ ക്രിക്കറ്റ് കമ്മിറ്റിയിലും ബോര്‍ഡ് മാറ്റങ്ങള്‍ കൊണ്ടു വന്നിട്ടുണ്ട്. അതേ സമയം വനിത ടീമിന്റെ സെറ്റപ്പിൽ മാറ്റങ്ങളൊന്നും കൊണ്ട് വന്നിട്ടില്ല.
