ഇന്ത്യയ്ക്കെതിരെ 6 റണ്‍സ് ജയം നേടി ദക്ഷിണാഫ്രിക്ക. ഇന്ന് ലക്ഷ്യം 21 പന്തില്‍ 26 റണ്‍സ് അകലെ നില്‍ക്കെ മഴ കളി തടസ്സപ്പെടുത്തിയപ്പോള്‍ മഴ നിയമത്തില്‍ ദക്ഷിണാഫ്രിക്ക വിജയം കരസ്ഥമാക്കുകയായിരുന്നു.
ഇന്ത്യ നേടിയ 248/5 എന്ന സ്കോര്‍ ചേസ് ചെയ്തിറങ്ങിയ ദക്ഷിണാഫ്രിക്ക 46.3 ഓവറില്‍ 223/4 എന്ന നിലയില്‍ നില്‍ക്കുമ്പോള്‍ ആണ് മഴ വില്ലനായി എത്തിയത്.. ലിസെല്ലേ ലീ നേടിയ ശതകത്തിന്റെ ബലത്തിലാണ് ദക്ഷിണാഫ്രിക്കയുടെ ഈ വിജയം. ഇതോടെ പരമ്പരയില്‍ ടീം 2-1 ന് മുന്നിലെത്തി.
132 റണ്‍സുമായി പുറത്താകാതെ നിന്ന ലീ ആണ് കളിയിലെ താരം. മിഗ്നണ്‍ ഡു പ്രീസ് 37 റണ്‍സ് നേടി. ഇന്ത്യയ്ക്കായി ജൂലന്‍ ഗോസ്വാമി രണ്ട് വിക്കറ്റ് നേടി.
