ന്യൂസിലാണ്ട് വനിത ക്രിക്കറ്റ് ടീമിന്റെ സ്ഥിരം ക്യാപ്റ്റനായി സോഫി ഡിവൈനെ പ്രഖ്യാപിച്ചു. ആമി സാത്തെര്‍ത്‍വൈറ്റിന് പകരം ടീം ക്യാപ്റ്റനായി 2019ന്റെ പകുതിയില്‍ സോഫി ഡിവൈന്‍ ക്യാപ്റ്റന്‍ സ്ഥാനം ഏറ്റെടുത്തിരുന്നു. ആമി തന്റെ പ്രസവാവധിയ്ക്ക് പോയ സമയത്താണ് താല്‍ക്കാലികമായി ക്യാപ്റ്റന്‍സി ദൗത്യം സോഫിയിലേക്ക് എത്തിയത്.
ആമി സാത്തെര്‍ത്‍വൈറ്റിനാവും വൈസ് ക്യാപ്റ്റന്‍ പദവി നല്‍കുക. ജനുവരിയില്‍ നടന്ന വനിത ടി20 ലോകകപ്പില്‍ ന്യൂസിലാണ്ടിനെ സോഫി ഡിവൈന്‍ ആണ് നയിച്ചത്. ടീം ആദ്യ റൗണ്ടില്‍ തന്നെ പുറത്തായിരുന്നു.
