വീണ്ടും ബാറ്റിംഗ് പരാജയം, 111 റണ്‍സ് മാത്രം നേടി ഇന്ത്യ

ഇംഗ്ലണ്ടിനെതിരെ രണ്ടാം ടി20യിലും ഇന്ത്യയ്ക്ക് ബാറ്റിംഗ് പരാജയം. ആദ്യം ബാറ്റ് ചെയ്ത ഇന്ത്യ 20 ഓവറില്‍ 8 വിക്കറ്റ് നഷ്ടത്തില്‍ 111 റണ്‍സാണ് നേടിയത്. 20 റണ്‍സ് നേടിയ മിത്താലി രാജ് ആണ് ഇന്ത്യയുടെ ടോപ് സ്കോറര്‍. ദീപ്തി ശര്‍മ്മ, ഭാരതി ഫുല്‍മാലി എന്നിവര്‍ 18 റണ്‍സും നേടി. മത്സരത്തിന്റെ ഒരു ഘട്ടത്തിലും ഇന്ത്യയ്ക്ക് ശക്തമായ ഒരു പ്രകടനം പുറത്തെടുക്കുവാന്‍ സാധിച്ചില്ല.

ഇംഗ്ലണ്ടിനു വേണ്ടി കാത്തറിന്‍ ബ്രണ്ട് മൂന്നും ലിന്‍സെ സ്മിത്ത് രണ്ടും വിക്കറ്റ് നേടി.