ബംഗ്ലാദേശിനെതിരെ ഏകദിനത്തിൽ തോൽവിയേറ്റ് വാങ്ങി ഇന്ത്യന്‍ വനിതകള്‍. ഇന്ന് 44 ഓവറായി ചുരുക്കിയ മത്സരത്തിൽ ബംഗ്ലാദേശിനെ 152 റൺസിലെറിഞ്ഞൊതുക്കിയെങ്കിലും ഇന്ത്യ 35.5 ഓവറിൽ 113 റൺസിന് ഓള്‍ഔട്ട് ആകുകയായിരുന്നു. ഇന്ത്യയ്ക്കെതിരെ ഏകദിനത്തിൽ ആദ്യമായി ബംഗ്ലാദേശ് വിജയം കുറിയ്ക്കുയായിരുന്നു.
4 വിക്കറ്റ് നേടിയ മറൂഫ അക്തറും മൂന്ന് വിക്കറ്റ് നേടിയ റബേയ ഖാനും ആണ് ആതിഥേയര്‍ക്കായി തിളങ്ങിയത്. 20 റൺസ് നേടിയ ദീപ്തി ശര്‍മ്മയാണ് ഇന്ത്യയുടെ ടോപ് സ്കോറര്‍. യാസ്തിക ഭാട്ടിയയും അമന്‍ജോത് കൗറും 15 റൺസ് വീതം നേടിയെങ്കിലും 113 റൺസ് വരെ മാത്രമേ ടീമിനെത്താനായുള്ളു.
