ചെന്നൈ സൂപ്പർ കിംഗ്സിന് എതിരായ മത്സരത്തിൽ അവസാന ഓവർ എറിഞ്ഞ് യാഷ് ദയാൽ ആണ് പ്ലയർ ഓഫ് ദി മാച്ച് പുരസ്കാരം അർഹിക്കുന്നത് എന്ന് ആർ സി ബി ക്യാപ്റ്റൻ ഫാഫ് ഡു പ്ലസിസ്. തനിക്ക് കിട്ടിയ പുരസ്കാരം യാഷ് ദയാലിന് നൽകാൻ ഞാൻ ആഗ്രഹിക്കുന്നു എന്നുൻ ഫാഫ് പറഞ്ഞു. അവസാന ഓവറിൽ 17 റൺസ് പ്രതിരോധിക്കാൻ ആയി ബൗൾ ചെയ്ത യാഷ്ദയാൽ ആകെ 7 റൺസ് ആയിരുന്നു വിട്ടു കൊടുത്തത്. ധോണിയെ പുറത്താക്കുകയും ചെയ്തു.
നനഞ്ഞ പന്തിൽ ഞങ്ങളുടെ ബൗളർമാർ പന്തെറിയാൻ ഏറെ പ്രയാസപ്പെട്ടു. യാഷ് ദയാലിന് മാൻ ഓഫ് ദ മാച്ച് നൽകണമെന്ന് ഞാൻ ആഗ്രഹിച്ചു. അവൻ ബൗൾ ചെയ്ത രീതി അവിശ്വസനീയമായിരുന്നു. തികച്ചും പുതിയ ആളാണ് അവൻ, അവൻ അഭിനന്ദനം അർഹിക്കുന്നു. ഫാഫ് പറഞ്ഞു.
പേസ് ഓഫ് ആണ് മികച്ച ഓപ്ഷൻ എന്ന് ഞങ്ങൾ കരുതി. ആദ്യ പന്തിൽ യോർക്കർ വർക്ക് ചെയ്തില്ല, പിന്നീട് അവൻ പേസിൽശ്ക്ക് മടങ്ങി, അത് അവിശ്വസനീയമാംവിധം നന്നായി ഫലിച്ചു. ഫാഫ് പറഞ്ഞു.
