ഇംഗ്ലണ്ട് പരമ്പരയ്ക്ക് വേണ്ടിയുള്ള പരിശീലനം ആരംഭിച്ച് വിന്‍ഡീസ് ടെസ്റ്റ് താരങ്ങള്‍. ജൂലൈയില്‍ ഇംഗ്ലണ്ടുമായുള്ള ടെസ്റ്റ് പരമ്പര നടന്നേക്കുമെന്നാണ് ഇപ്പോള്‍ ഇരു ബോര്‍ഡുകളും പ്രതീക്ഷിക്കുന്നത്. ചെറിയ സംഘങ്ങളായാണ് വിന്‍ഡീസ് താരങ്ങള്‍ പരിശീലനത്തില്‍ ഏര്‍പ്പെട്ടത്.
ഇതില്‍ വിന്‍ഡീസ് നായകന്‍ ജേസണ്‍ ഹോള്‍ഡര്‍, ക്രെയിഗ് ബ്രാത്‍വൈറ്റ്, ഷായി ഹോപ്, കെമര്‍ റോച്ച്, ഷെയിന്‍ ഡോവ്റിച്ച്, ഷമാര്‍ ബ്രൂക്ക്സ്, റെയ്മണ്‍ റീഫര്‍ എന്നിവര്‍ അടങ്ങുന്നു. ബാര്‍ബഡോസില്‍ കടുത്ത നിയന്ത്രണങ്ങള്‍ക്ക് വിധേയരായാണ് താരങ്ങള്‍ അടച്ചിട്ട സ്റ്റേഡിയത്തില്‍ പരിശീലനം നടത്തിയത്.
സര്‍ക്കാരിന്റെ അനുമതി വാങ്ങിയ ശേഷം ക്രിക്കറ്റ് വെസ്റ്റ് ഇന്‍ഡീസ് മെഡിക്കല്‍ കമ്മിറ്റിയുടെ മാനദണ്ഡങ്ങള്‍ക്ക് വിധേയരായാണ് പരിശീലം പുരോഗമിക്കുന്നത്.
