ഇക്കഴിഞ്ഞ കൗണ്ടി സീസണില്‍ നോട്ടിംഗാംഷയറിനു വേണ്ടി കളിച്ച ടോപ് ഓര്‍ഡര്‍ ബാറ്റ്സ്മാന്‍ വില്‍ ഫ്രെയിന്‍ പുതിയ കൗണ്ടി കരാറിലെത്തി. മൂന്ന് വര്‍ഷത്തേക്ക് യോര്‍ക്ക്ഷയറുമായാണ് താരം കരാറിലെത്തിയിരിക്കുന്നത്. 22 വയസ്സുകാരന്‍ താരം ഡര്‍ഹത്തിനായി കഴിഞ്ഞ വര്‍ഷമാണ് ഫസ്റ്റ് ക്ലാസ് അരങ്ങേറ്റം നടത്തിയത്. താരവുമായി കരാര്‍ പുതുക്കുവാന്‍ നോട്ടിംഗാംഷയര്‍ തയ്യാറായിരുന്നുവെങ്കിലും താന്‍ ചെറുപ്പത്തില്‍ കളിച്ച ടീമിനൊപ്പം ചേരുവാന്‍ വില്‍ ഫ്രെയിന്‍ തീരുമാനിക്കുകയായിരുന്നു.
അഞ്ച് ഫസ്റ്റ് ക്ലാസ് മത്സരങ്ങള്‍ മാത്രം കളിച്ചിട്ടുള്ള താരം ഇതുവരെ അര്‍ദ്ധ ശതകം നേടിയിട്ടില്ല. ഏഴ് ടി20യിലും മൂന്ന് ലിസ്റ്റ് എ മത്സരങ്ങളിലും വില്‍ ഫ്രെയിന്‍ കളിച്ചിട്ടുണ്ട്.
