ആഷസ് രണ്ടാം ടെസ്റ്റ്: ഉസ്മാൻ ഖവാജ കളിക്കില്ല

ഓസ്‌ട്രേലിയയുടെ വെറ്ററൻ ഓപ്പണർ ഉസ്മാൻ ഖവാജയെ പുറം വേദന കാരണം ഡിസംബർ 4-ന് ബ്രിസ്‌ബെയ്‌നിൽ ആരംഭിക്കുന്ന രണ്ടാം ആഷസ് ടെസ്റ്റിൽ നിന്ന് ഒഴിവാക്കി. ഓസ്‌ട്രേലിയൻ ഓപ്പണിംഗ് സ്ഥാനത്തെ വിശ്വസ്തനായ ഈ 38-കാരൻ ഇടംകൈയ്യൻ താരം, ആദ്യ ടെസ്റ്റിൽ ഏറ്റ പരിക്കിൽ നിന്ന് പൂർണ്ണമായി സുഖം പ്രാപിക്കാത്തതിനാലാണ് പിന്മാറിയത്.

നെറ്റ്‌സിൽ ബാറ്റ് ചെയ്‌തെങ്കിലും കളിക്കാൻ തയ്യാറാണെന്ന സൂചനകൾ ഖവാജ നൽകിയില്ല. ഇതോടെ നിർണായകമായ ഈ സ്ഥാനത്തേക്ക് മറ്റ് കളിക്കാരെ പരിഗണിക്കാൻ ഓസ്‌ട്രേലിയ നിർബന്ധിതരായി. ഖവാജയുടെ അഭാവത്തിൽ ട്രാവിസ് ഹെഡ് തന്നെ ഓപ്പൺ ചെയ്യും. ആദ്യ ടെസ്റ്റിൽ രണ്ടാം ഇന്നിങ്സിൽ ഹെഡ് ഓപ്പണർ ആയി തിളങ്ങിയിരുന്നു‌.