ഉമ്രാൻ മാലിക് ഐ പി എല്ലിൽ നിന്ന് പുറത്ത്, KKR പകരം പേസറെ സൈൻ ചെയ്തു
ഐപിഎൽ 2025ന് മുന്നോടിയായി പരിക്കേറ്റ ഉമ്രാൻ മാലിക്കിന് പകരക്കാരനായി ഇടംകയ്യൻ പേസർ ചേതൻ സക്കറിയയെ കൊൽക്കത്ത നൈറ്റ് റൈഡേഴ്സ് സൈൻ ചെയ്തു. ലേലത്തിൽ വിറ്റുപോകാതെ പോയ സക്കറിയ, 75 ലക്ഷം രൂപയ്ക്കാണ് ടീമിൽ ചേരുന്നത്.
27 കാരനായ സക്കറിയ കഴിഞ്ഞ സീസണിൽ കെകെആറിൻ്റെ കിരീടം നേടിയ ടീമിൻ്റെ ഭാഗമായിരുന്നുവെങ്കിലും ഒരു മത്സരത്തിലും പങ്കെടുത്തിരുന്നില്ല. അദ്ദേഹം മുമ്പ് രാജസ്ഥാൻ റോയൽസിനും ഡൽഹി ക്യാപിറ്റൽസിനും വേണ്ടി കളിച്ചിട്ടുണ്ട്, 19 ഐപിഎൽ മത്സരങ്ങളിൽ നിന്ന് 8.43 എന്ന എക്കോണമി റേറ്റിൽ 20 വിക്കറ്റ് വീഴ്ത്തി. എല്ലാ ടി20കളിലുമായി, 46 മത്സരങ്ങളിൽ നിന്ന് 65 വിക്കറ്റുകൾ.