പാക്കിസ്ഥാന്‍ താരം ഉമര്‍ അക്മലിന് മുന്ന് വര്‍ഷത്തെ വിലക്ക് പ്രഖ്യാപിച്ച് പാക്കിസ്ഥാന്‍ ക്രിക്കറ്റ് ബോര്‍ഡ്. താരത്തിനെ സമീപിച്ച ബുക്കികളുടെ ശ്രമം യഥാസമയം അറിയിച്ചില്ലെന്ന കേസിലാണ് താരത്തിനെതിരെ പാക്കിസ്ഥാന്‍ ബോര്‍ഡ് അന്വേഷണം പ്രഖ്യാപിച്ചത്. മൂന്ന് വര്‍ഷത്തേക്ക് യാതൊരു തരത്തിലുള്ള ക്രിക്കറ്റും കളിക്കാനാകില്ല.
ചെയര്‍മാന്‍ റിട്ടേര്‍ഡ് ജസ്റ്റിസ് ഫസല്‍-ഇ-മിറന്‍ ചൗഹാന്‍ നേതൃത്വം കൊടുക്കുന്ന പാക്കിസ്ഥാന്‍ ബോര്‍ഡിന്റെ അച്ചടക്ക പാനല്‍ ആണ് ഉമര്‍ അക്മലിനെതിരെ നടപടി പ്രഖ്യാപിച്ചത്.
